Қазақстан Республикасы Төтенше жағдайлар министрлігінің бұйрығы №80

2014 жылғы 3 наурыз, Астана қаласы Қазақстан Республикасы Төтенше жағдайлар министрлігінің Көкшетау техникалық институты» мемлекеттік мекемесіне азаматтарды қабылдау қағидасын бекіту туралы» Қазақстан Республикасы Төтенше жағдайлар министрінің 2012 жылғы 23 тамыздағы № 370 бұйрығына өзгерістер енгізу туралы Қазақстан Республикасының «Құқық қорғау қызметі туралы» Заңының 9 бабының 1 тармағын іске асыру мақсатында бұйырамын: 1. «Қазақстан Республикасы Төтенше жағдайлар министрлігінің Көкшетау техникалық институты» мемлекеттік мекемесіне азаматтарды қабылдау қағидасын бекіту туралы» Қазақстан Республикасы Төтенше жағдайлар министрінің 2012 жылғы 23 тамыздағы № 370 бұйрығына (нормативтік құқықтық актілерді мемлекеттік тіркеу Тізімінде № 7970 болып тіркелген, «Егемен Қазақстан» газетінде 2012 жылдың 8 желтоқсанында № 809- 814 (27885) ресми түрде жарияланған) келесі өзгерістер енгізілсін: тақырып мынадай редакцияда жазылсын: «Қазақстан Республикасы Төтенше жағдайлар министрлігінің Көкшетау техникалық институты» республикалық мемлекеттік мекемесіне азаматтарды қабылдау қағидасын бекіту жөнінде»; 1-тармақ мынадай редакцияда жазылсын: «1. Қоса беріліп отырған «Қазақстан Республикасы Төтенше жағдайлар министрлігінің Көкшетау техникалық институтына» республикалық мемлекеттік мекемесіне азаматтарды қабылдау қағидасы бекітілсін».»; осы бұйрықпен бекітілген «Қазақстан Республикасы Төтенше жағдайлар министрлігінің Көкшетау техникалық институты» мемлекеттік мекемесіне азаматтарды қабылдау қағидасында: тақырып мынадай редакцияда жазылсын: «Қазақстан Республикасы Төтенше жағдайлар министрлігінің Көкшетау техникалық институты» республикалық мемлекеттік мекемесіне азаматтарды қабылдау қағидасы»; 1-тармақ мынадай редакцияда жазылсын: «1. Осы «Қазақстан Республикасы Төтенше жағдайлар министрлігінің Көкшетау техникалық институты» республикалық мемлекеттік мекемесіне азаматтарды қабылдау қағидасы (бұдан әрі – Қағида) «Білім туралы», «Құқық қорғау қызметі туралы» Қазақстан Республикасының Заңдарына, «Жоғары білім берудің кәсіптік оқу бағдарламаларын іске асыратын білім беру ұйымдарына оқуға қабылдаудың үлгі қағидаларын бекіту туралы» Қазақстан Республикасы Үкіметінің 2012 жылғы 19 қаңтардағы № 111 қаулысына сәйкес әзірленді».»; 2-тармақ мынадай редакцияда жазылсын: «2. «Қазақстан Республикасы Төтенше жағдайлар министрлігінің Көкшетау техникалық институты» республикалық мемлекеттік мекемесі (бұдан әрі - Институт) бекітілген мамандықтар тізбесіне сэйкес жоғары кәсіптік білімі бар мамандарды даярлауды жүзеге асырады.»; 5-тармақ мынадай редакцияда жазылсын: «5. Сырттай оқу бөліміне 1 жылдан кем емес жұмыс өтілі бар, оқуға түсу жылының 1 қыркүйекте жасы 35-тен аспаған, техникалық және кәсіптік, жоғары білімі бар Қазақстан Республикасы Төтенше жағдайлар министрілігінің (бұдан әрі – Министрлік) жинақтаушы органдарының қызметкерлері қабылданады. Сырттай оқуға «Өрт қауіпсіздігі» мамандығына тектес техникалық және кәсіптік, жоғары білімі бар тұлғалар кешендік тестілеудің нәтижелері бойынша қабылданады. «Өрт қауіпсіздігі» жоғары білім мамандығына техникалық және кәсіптік білімнің мынадай мамандықтары тектес болып табылады: «Өрт қауіпсіздігі», «Тіршілік қауіпсіздігі және қоршаған ортаны қорғау» және «Төтенше жағдайларда қорғау». Сырттай оқуға жоғары білімі бар тұлғаларды қабылдау «Қазақстан Республикасы Төтенше жағдайлар министрлігінің Көкшетау техникалық институты» республикалық мемлекеттік мекемесінің мемлекеттік қабылдау комиссиясы үш кезеңде жүзеге асырады: бірінші кезеңде Қазақстан Республикасының заңнамасын білу бойынша тестілеу өткізіледі: Қазақстан Республикасының Конституциясы, «Құқық қорғау қызметі туралы», «Сыбайлас жемқорлыққа қарсы күрес туралы», «Өрт қауіпсіздігі» Заңдары, «Қазақстан Республикасы мемлекеттік қызметшілерінің Ар-намыс кодексі туралы» Қазақстан Республикасы Президентінің 2005 жылғы 3 мамырдағы №1567 Жарлығы. екінші кезеңде әңгімелесу өткізіледі; үшінші кезеңде қорытынды шешім қабылдау үшін мандаттық комиссияның отырысы өткізіледі.». 2. Қадрлық қамтамасыз ету департаменті (Е.Б. Құлтаев) осы бұйрықтың белгіленген тәртіппен Қазақстан Республикасы Әділет министрлігінде мемлекеттік тіркелуін және заңнамада белгіленген тәртіппен ресми жариялануын қамтамасыз етсін. 3. Қазақстан Республикасы Төтенше жағдайлар министрлігі Орталық аппараты құрылымдық бөлімшелерінің, Өртке қарсы қызмет комитетінің, облыстар, Астана және Алматы қалалары Төтенше жағдайлар департаменттерінің, облыстар, Астана және Алматы қалалары ведомстволық бағынысты «Өрт сөндіру және авариялық-құтқару жұмыстары қызметі» мемлекеттік мекемелерінің, «Көкшетау техникалық институты» республикалық мемлекеттік мекемесінің, «Республикалық дағдарыс орталығы» мемлекеттік мекемесінің басшылары осы бұйрықты қызметкерлерінің назарына жеткізсін және оның орындалуын қамтамасыз етсін. 4. Осы бұйрықтың орындалуын бақылау Қазақстан Республикасы Төтенше жағдайлар вице-министрі Ж.А. Смаиловқа жүктелсін. 5. Осы бұйрық алғаш рет ресми жарияланған күнінен кейін он күнтізбелік күн өткен соң қолданысқа енгізіледі. Қазақстан Республикасының Төтенше жағдайлар министрі В.БОЖКО. «КЕЛІСІЛДІ» Қазақстан Республикасының Білім және ғылым министрі А.Сәрінжіпов 2014 жылғы 10 наурыз Бұйрық Қазақстан Республикасының Әділет министрлігінде 2014 жылғы 12 сәуірде Нормативтік құқықтық кесімдерді мемлекеттік тіркеудің тізіліміне №9321 болып енгізілді.