Әлем чемпионаты бүгін Астана уақытымен сағат 18.30-да «Qazsport» телеарнасынан тікелей эфирде көрсетіледі. Қазақстан боксшысы 57 келіге дейінгі салмақта италиялық Ирма Тестамен қолғап түйістіреді.
Карина Ибрагимова Азия чемпионы атанып, екі мәрте әлем біріншілігінің қола жүлдегері болған. Ирма Теста да осал қарсылас емес. Ол – 2020 жылғы Токио олимпиадасының қола, өткен жылғы әлем біріншілігінің күміс жүлдегері, 2019 жылғы Еуропа чемпионы.
Еске сала кетейік, ертең қазақстандық Ләззат Күнгейбаева аса ауыр салмақта алтын жүлде үшін таласады.
Бұған дейін Алуа Балқыбекова, Надежда Рябец, Валентина Хальзова және Фариза Шолтай қола жүлдегер атанды.
