Бокс • 25 Наурыз, 2023

Бокстан ӘЧ: Карина Ибрагимова күміс жүлдегер атанды

512 рет
көрсетілді
1 мин
оқу үшін

Қазақстандық боксшы Карина Ибрагимова Нью-Делиде өтіп жатқан әйелдер арасындағы әлем чемпионатының финалында өнер көрсетті, деп хабарлайды Egemen.kz Prosports.kz сайтына сілтеме жасап.

Бокстан ӘЧ: Карина Ибрагимова күміс жүлдегер атанды

57 келіге дейінгі салмақтағы финалдық кездесуде К. Ибрагимова италиялық боксшы Ирма Тестамен жұдырықтасып, төрешілер шешімімен жеңіліп қалды.

Осылайша, Карина Ибрагимова бокстан 2023 жылғы әйелдер арасындағы әлем чемпионатын күміс жүлдемен аяқтады.

Бұл жүлде Каринаның карьерасындағы ең үздік нәтиже болды. Ол бұған дейін әлем чемпионатында екі рет (2018 және 2022 жылы) қола жүлдегер атанып, сондай-ақ былтыр Азия чемпионатында жеңіске жеткен болатын.