Анадолы елінде Қазақстанның намысын 19 балуан қорғайды. Солардың қатарында әлем чемпионатының күміс жүлдегері Ғұсман Қырғызбаев (66 кило), құрлық чемпионы Данияр Шамшаев (73 кило), Азия ойындарының жеңімпазы Дидар Хамза (90 кило) бар. Биыл «Үлкен дулыға» санатындағы додаларда жеңіс тұғырына көтерілген Нұрқанат Серікбаев (60 кило), Абылайхан Жұбаназар (81 кило) және Нұрлыхан Шархан да (100 кило) бозкілемге шығады. Сондай-ақ Шерзод Давлатов (60 кило), Есет Қуанов (66 кило), Дархан Койбағаров (73 кило), Руслан Мұсаев (81 кило), Айдар Арапов (90 кило), Бекарыс Сәдуақас (100 кило), Ғалымжан Қырықбай (+100 кило) және Әділ Оразбаевқа (+ 100 кило) сенім артылып отыр.
Әйелдер арасында Ғалия Тынбаева (48 кило), Бақыт Құсақбаева (57 кило), Анастасия Маякова (70 кило), Роза Нысантаева (70 кило), Кәмила Берліқаш (+78 кило) сайысқа түседі.
