Пікір • 29 Наурыз, 2023

Маңызды істер күтіп тұр

225 рет
көрсетілді
1 мин
оқу үшін

Жаңадан сайланған Парламент депутаттарының құрамы үшін алдағы бес жыл күрделі сынаққа толы жыл болмақ. Себебі өткен жылы басталған еліміздегі күрделі саяси және әлеуметтік-экономикалық реформаларды одан әрі іске асыру жаңа Парламент құрамына жүктеледі.

Маңызды істер күтіп тұр

Атап айтқанда, азаматтардың өмір сүру сапасын арттыру және әл-ауқатын жақсарту, білім беру, әлеу­мет­тік саясат пен денсаулық сақтау сала­сындағы реформаларды тиімді іске асыру, заман талабына сай әді­летті демократиялық мемлекет институтын қалыптастыру бағытында алға қойған мақсат-міндеттерді атқа­ру бойынша қыруар жұмыстар кү­тіп тұр.

Парламентке өткен алты партия­ның өкілдері өздерінің сайлауалды бағдарламалары мен халыққа берген уәде­лерінде жоғарыда аталған елдегі жалпы әлеуметтік-экономикалық мәселелерді шешудің түрлі жолдарын көрсеткен болатын. Осы орайда әр партияның өздерінің сайлауалды бағдарламаларының орындалу сапасы қазақстандық қоғамда сайлаушылар тарапынан қатал қада­ға­ланады. Бұл өз кезегінде осы мер­зім­ге сайланған депутаттардың қо­ғам­дық-саяси өмірдегі белсенділігі немесе өздерінің бағдарламалары мен уәделерін орындамауы сөзсіз бірінші кезекте партияның беделіне, яғни оның келесі электоралды кезеңге өту-өтпеуіне тікелей әсерін тигізеді. Сондықтан алты партиядан сайлауға түскен депутаттар үшін бұл кезең ха­лық алдында барынша көзге түсіп, ел­дің дамуында өзінің барынша үле­сін қосатын мүмкіндікке толы сынақ мерзімі болатыны анық.

 

Нұркен АЙТЫМБЕТОВ,

Философия, саясаттану және дінтану институтының

жетекші ғылыми қызметкері, PhD