Еуразиялық экономикалық одақтың пайдасын халыққа насихаттау керек

АСТАНА. 2 шілде. Еуразиялық экономикалық одақ құру туралы шартты ратификациялауға қатысты парламенттік рәсімдер тек заңнамалық деңгейде ғана емес, заңға тәуелді актілер ретінде де маңызды. «Еуразиялық экономикалық одақ: жаңа үндеулер мен перспективалар» атты тақырыпта Мәскеуде өткен Интеграциялық клуб отырысы барысында еліміздің Ресейдегі төтенше және өкілетті елшісі Марат Тәжин осылай деді. Бұл туралы «ҚазАқпарат» хабарлады. Жиын барысында Марат Тәжин одаққа мүше мемлекеттер өзара сауда өсімін қамтамасыз ету, инвестициялық трендтерді ынталандыру үшін бірлесе күш жұмсау қажет екенін атап өтті. Сондай-ақ, Интеграциялық клуб отырысына қатысушылар жалпы медиялық кеңістік құру қажеттігін сөз етті. Олардың пікірінше, Еуразиялық экономикалық одаққа мүше мемлекеттердің қарапайым азаматтарына аталған бірлестіктің әкелетін пайдасы насихатталуы тиіс. Жолдыбай Базар. Дереккөз: «ҚазАқпарат». Фото: berlek-nkp.com.