Тестілеуге келесі санаттарға жататын азаматтар қатыса алады:
- мектепке дейінгі тәрбие мен оқыту ұйымдарының педагогтері;
- білім беру ұйымдарының әдіскерлері;
- жалпы орта білім беру ұйымдарының педагогтері;
- қосымша білім беру ұйымдарының педагогтері;
- білім беру ұйымдарының, әдістемелік кабинеттердің басшылары;
- техникалық және кәсіптік, орта білімнен кейінгі білім беру ұйымдарының педагогтері;
- педагогикалық бағыттар бойынша ЖОО және колледж бітіруші түлектері;
- педагогикалық бағыттар бойынша техникалық және кәсіптік, жоғары және жоғары оқу орнынан кейінгі білімі бар, тәжірибесі жоқ кандидаттар.
Педагогтердің білімін бағалау 3-22 сәуір аралығында өтеді.
Еске салайық, бұл сынақ педагогтердің кәсіби құзыреттілік деңгейін айқындау үшін өткізіледі. Тест сынақтарын білім беру саласындағы уәкілетті орган әзірлейді.
Тест 50 тапсырмадан тұрады:
- «Пәндік білім» бойынша – 30 тапсырма;
- «Оқыту әдістемесі» бойынша – 20 тапсырма.
Тапсырмалар формасы бойынша екі түрлі болады:
- бір дұрыс жауабы бар тапсырмалар;
- бір дұрыс жауабы бар мәтіндік тапсырмалар.
Тест тапсыруға 90 минут уақыт берілсе, «Математика», «Физика», «Химия», «Информатика» пәндері үшін тест 125 минутқа созылады.
