Ендігі жерде ЕҚДБ Қазақстандағы «жасыл» инвестицияларды қолдау мақсатында қаржыландырудың жаңа көздерін ұсынып отыр. GEFF Kazakhstan II «жасыл» экономиканы қаржыландыру жобасы аясында бөлінген 150 млн АҚШ доллары кәсіпорындар мен үй шаруашылықтарына көмек ретінде бағытталмақ. «Жасыл» қаржыландырудың атап өтуге тиісті тұсы ол гендерлік аспектілерді де ескеруі тиіс.
Ал техникалық қолдауды Климаттық инвестициялық қорлары (Climate Investment Funds) көрсетеді.
Осы арқылы 2023 жылдың басында Париж келісіміне толық қосылған Еуропа қайта құру және даму банкі (ЕҚДБ) Қазақстанға электр энергиясын тұтынуды азайтуға, жаңғырмалы энергия көздерін пайдалануды ілгерілетуге және жергілікті кәсіпкерлерге экологиялық қауіпсіз тәжірибелерді енгізуде қолдау көрсетуге көмектеседі.
ЕҚДБ іске қосып жатқан жаңа қаржыландыру бағдарламасының арқасында республика бойынша жүздеген кәсіпорын мен мыңдаған үй шаруашылығы өндірісін жаңғыртуға, энергия тиімділігін арттырып, экологиялық тұрақтылықты жақсартуға мүмкіндік алады.
Банк бүкіл ел бойынша жеке тұлғаларға, жеке компаниялар мен ШОБ-қа кредит беру үшін Kazakhstan Green Economy Financing Facility II (GEFF Kazakhstan II) жобасына қатысатын қаржы институттарына 150 млн АҚШ долларына дейінгі мөлшерде (теңгелік баламада) қаржыландыруды ұсынады.
Жоба сонымен қатар жоғары сапалы «жасыл» тауарлар мен жабдықтарды жеткізушілер мен өндірушілерге, оның ішінде Green Technology Selector онлайн-каталогінде орналастырылған және GEFF Kazakhstan II жобасының веб-сайтында қолжетімді тауарларды қаржыландыруды ұсынады.
Сонымен қатар Климаттық инвестициялық қорлардың (Climate Investment Funds, CIF) қолдауымен GEFF Kazakhstan II жобасы жергілікті «жасыл» технологиялар мен жабдықтар нарығын дамытуға жәрдемдеспек. Бұл өз кезегінде «жасыл» экономиканың өсуіне ықпал етіп, «жасыл» технологияларды неғұрлым қолжетімді ете түсуге тиіс. Оған қоса жаңа жұмыс орындарын ашуға септеседі. Жоба сондай-ақ климаттың өзгеру тәуекелдерін азайту және оларға бейімделу жөніндегі жобаларға инвестицияларды ынталандыратын, тұйық циклді экономиканы ілгерілететін және Қазақстан экономикасының декарбонизациясы мен бәсекеге қабілеттілігін арттыруға ықпал ететін болады.
Жоғарыда атап өткендей, жаңа жоба ЕҚДБ-ның гендерлік SMART тәсілін қамтиды, ол мүмкіндіктер теңдігі мен Қазақстан экономикасындағы әйелдердің рөлін арттыруға жол ашады. Жобаға қатысатын қаржы институттары гендерлік теңдікке негізделген және гендерлік аспектілерді ескере отырып, қаржылық қызметтерді ұсынатын жаңа инвестициялық мәдениетті пайдаланады.
GEFF Kazakhstan II жобасы 2020 жылдан бастап Аустрия үкіметі мен Жаһандық экологиялық қордың қолдауымен іске асырылып келе жатқан GEFF Kazakhstan қанатқақты жобасына негізделген. Жоба іске асырыла басталғалы бері оған бір жарым мыңнан астам қатысушы тартылып, елдегі энергетика және энергия тиімділігі жөніндегі жобаларға бағытталған қаржыландыру көлемі 30 млн АҚШ долларын құраған.
Жоба сонымен қатар көмірқышқыл газының жылдық шығарындыларын 200 мың тоннадан астамға азайтуға және бастапқы энергияны үнемдеуге сағатына 573 мың мегваттқа жетуге көмектесіп отыр. Қаржыландыру ЦентрКредит Банкі, Shinhan Bank және KMF микрокредит ұйымы арқылы жүзеге асырылды. Қаржыландырылған жобалардың көп бөлігі (60%) әйелдер басқаратын бизнеске қатысты және ауылдық жерлерде орналасқан.
АЛМАТЫ
