ҚҰРАМАДА ҚАНДАЙ ЖАҢАЛЫҚ БАР?

Осы аптада футболдан Қазақстан құрамасы оқу-жаттығу жиындарын бастады. Аптаның соңына дейін созылатын жаттығу жиындарына ұлттық құраманың бас бапкері Бернд Шторк 26 футболшыны, оның ішінде “Тобыл” командасының капитаны Нұрбол Жұмасқалиевті шақырды. Нұрболдан басқа неміс маманы жасақтаған құраманың қатарында “Ақтөбе” командасында ойнайтын, кезінде Мәскеудің “Спартак” пен “Динамо” командаларының қақпа­шысы болған Андрей Сидельников, одан басқа өзімізде өнер көрсетіп жүр­ген Александр Григоренко, Алек­сандр Киров, Михаил Рожков, Сергей Лисенков, Илья Ворот­ни­ков, Дмитрий Шомко сияқты жаңа есімдер бар. Құрамаға толық шақырылған фут­болшылар тізімі төмендегідей: Қақпашылар: Александр Мо­кин, (“Ордабасы”), Александр Гри­го­ренко (“Шахтер”), Андрей Си­дель­ников (“Ақтөбе”). Қорғаушылар: Михаил Рожков, Александр Киров ( “Локомотив”), Илья Воротников (“Атырау”), Юрий Логвиненко (“Ақтөбе”), Фар­хатбек Ырысметов (“Тобыл”), Дмит­рий Шомко (“Ертіс”), Алек­сандр Кислицын (“Шахтер”). Жартылай қорғаушылар: Ұлан Қонысбаев (“Тараз”), Азат Нұр­ға­лиев (“Тобыл”), Сергей Скорых (“Шах­тер”), Жамбыл Көкеев, Мак­сим Азовский (“Локомотив”), Ас­лан Дарабаев, Константин Голов­ской, Андрей Карпович (бәрі де “Ақтөбе”) Шабуылшылар: Таңат Нөсер­баев, Дәуренбек Тәжімбаев, Андрей Фи­нонченко (үшеуі де “Шахтер”), Нұр­­бол Жұмасқалиев (“Тобыл”), Сер­­гей Хижниченко, Сергей Ос­та­пенко (“Локомотив”), Евгений Авер­ченко, Сергей Лисенков (“Ақ­­төбе”). Ал Қазақстан құрамасының ма­мыр айының соңында жарияланған рейтингісіне келер болсақ, Бернд Шторк жаттықтыратын ұлттық құ­ра­ма 2012 жылғы әлем чемпиона­тының іріктеу турнирі аяқталған кез­дегі қозғалмаған сол 129-шы ор­нында тұр. Біздің ел УЕФА-ға мү­ше елдердің ішінен тек Андоррадан (120), Лихтенштейннен (149), Маль­­тадан (157) және Сан-Ма­ри­но­­дан (202) ғана жоғары орналасқан. Рейтингінің ең жоғары саты­сын­да Бразилия орналасса, екінші Ис­пания, үшінші орында Пор­ту­галия құрамалары жайғасқан. Енді ұлттық құрамалардың келесі рей­тингі 14 шілдеде, әлем чемпионаты аяқталғаннан кейін үш күн өткен соң жарияланады. Дастан КЕНЖАЛИН.