Қазақстан құрамасының капитаны Ярослава Шведова бұл бәсекеде Елена Рыбакина, Юлия Путинцева, Анна Данилина, Гөзаль Айнитдинова және Жәнел Рүстемоваға сенім артып отыр. Бұл ойыншылардың барлығының есімі жанкүйерлерге жақсы таныс. Польшаға қарсы кездесудің негізгі матчтарында Рыбакина мен Путинцеваның өнер көрсететіні анық. Өйткені екеуінің де әлемдік рейтингтегі жағдайлары жақсы. Данилина жұптық бәсекелерде өзін жақсы қырынан көрсетіп жүр. Ол талай дүбірлі додада дараланды. Ал Айнитдинова мен Рүстемова – қосалқы құрамдағы ойыншылар.
