Футбол. Әлем чемпионаты. Бразилия – жартылай финалда!

АСТАНА. 5 шілде. Бүгін түн ортасы ауа Форталеза қаласында Бразилия және Колумбия құрамалары ширек финалдық ойын өткізіп, «селесао» 2:1 есебімен басым түсті. Бұл туралы egemen.kz хабарлады. Матчта бразилиялықтан негізінен еңбек сіңіріп жеңіске жетті. Олар әр таймда бір голдан соғып, осы басымдықтарын дәлелдей түсті.Филипе Луис Сколаридің шәкірттері екінші нөмірмен ойнауға көшкен жоқ. Бразилия – Колумбия  2:1 (1:0). 5 шілде. Форталеза. «Кастелан» стадионы. 60 342 көрермен. Төреші – Карлос Веласко Карбальо (Испания). Бразилия: Жулио Сезар, Майкон, Тиаго Силва, Давид Луис, Марсело, Фернандиньо, Паулиньо (Эрнанес, 86), Халк (Рамирес, 83), Неймар (Энрике, 88), Фред. Колумбия: Давид Оспина, Хуан Сунига, Кристиан Сапата, Марио Йепес, Пабло Армеро, Хуан Куадрадо (Хуан Кинтеро, 81), Фреди Гуарин, Карлос Санчес, Виктор Ибарбо (Адриан Рамос, 46), Джеймс Родригес, Теофило Гутьеррес (Карлос Бакка, 70). Голдар: Тиаго Силва (7), Давид Луис (69), Джеймс Родригес (80, пенальти). Ескертулер: Тиаго Силва (64), Жулио Сезар (78) – Джеймс Родригес (68), Марио Йепес (69). Алаң иелері есепті көп ұзамай ашты. Олар 7-минутта-ақ алға шықты. Ол бұрыштама берілген кезде салынды. Әуелеп келген допқа Тиаго Силва бәрінен бұрын жетті. Әлемнің бес дүркін чемпиондары бұдан кейін де қорғанысқа алаңдамады. Олар колкумбиялықтармен ойында тек шабуылдың ғана тиімді болатынын жақсы ұғынды. Сондықтан қарсыластарына допты көп бере қоймады. Шабуылды да көбірек жасады. Гол соғатын мүмкіндіктері де көп болды. Үзілістен кейін екі жақтың ойыны теңесті. Колумбия шабуылға батыл шыға бастады. Пентакампеондардың жорықтары да қауіпті бола түсті. Таймның ортасында олар осы шолғындардың бірін голға айналдырды. Оны айып добынан Давид Луис керемет қатты соққымен түсірді. Бұл бразилиялықтардың басымдығын арттырды. Колумбияның шабуылы көп жұмбақ бола қоймады. Бұл елдің командасы матчтағы жалғыз қарымта допты пенальтиден салды. Ол қақпашы Жулио Сезардың шабуылшы Карлос Бакканың аяғына ұмтылып, құлатқаны үшін белгіленді. Енді жартылай финалда Бразилия Германия командасымен кездеседі. Дамир Қожамқұл. Дереккөз: egemen.kz. Фото: Sportbox.ru.