«Қаланың шұғыл жедел қызметтері осындай хабарларға алғашқы ден қою шаралары шеңберінде жарылыс-техникалық зерттеу жүргізді», делінген қалалық ПД баспасөз қызметі таратқан хабарламада.
Ведомство бірнеше мектеп тексерілгенін, нәтижесінде ақпарат жалған болып шыққанын атап өтті.
«ҚР Қылмыстық кодексінің 273-бабы («Терроризм актісі туралы көрінеу жалған хабарлама») бойынша қылмыстық іс қозғалды. Қазіргі уақытта жұмыс жалғасуда», деп жазды Алматы ПД баспасөз қызметі.
Дайындалып жатқан терроризм актiсi туралы көрiнеу жалған хабарлау – бес мың айлық есептік көрсеткіш мөлшерінде айыппұл салуға не сол мөлшерде түзеу жұмыстарына не бес жылға дейінгі мерзімде бас бостандығын шектеуге не сол мерзімге бас бостандығынан айыруға жазаланады.
