Күн сайын, сағат, тіпті минут сайын жедел өзгеріске түсіп жатқан жаһандану заманында, өркендеу мен ұлы өзгерістерге толы заманда біздің тұрақтылығымызға, келісімімізге сызатын түсіруі мүмкін дау-дамайлар, қақтығыстар болмауға тиіс.
Сыртқы қатерлерге біздің жауабымыз – этносаралық татулық, қоғам тыныштығы және толеранттылық. Сол арқылы біз бейбіт өмірді жалғастырамыз. Өйткені төзімділік бар жерде ғана өркениетті қоғам дамиды. Толеранттылық гүлденген елде әрбір азамат ұлтына, тіліне, дініне қарамай өзін еркін, қауіпсіз, бақытты сезінеді.
Біз Шымкент қаласында мемлекеттік этносаралық саясатты насихаттайтын ақпараттық топтарды құрдық. Олардың құрамына мемлекеттік қызметкерлер, этномәдени бірлестіктердің төрағалары, ұстаздар, жастар өкілдері кірді. Олар халық арасында толеранттылықты, ұлтаралық келісімді түсіндіріп жүр. Біздің өңірде қолға алынған осынау ізгі істер еліміздің басқа да аймақтарында жалғасын тапса, нұр үстіне нұр болар еді. Біз еліміздің егемендігін нығайтуға, ұлтаралық және конфессияаралық келісімді сақтауға нақты үлесімізді қоса береміз.
Шахло НАРАЛИЕВА,
Өзбек этномәдени бірлестіктері «Дустлик» қауымдастығы төрағасының білім және ғылым жұмыстары жөніндегі орынбасары