Селфи-конкурстың жүлдегерлері анықталды

«Егемен Қазақстан» газеті үстіміздегі жылғы маусым-шілде айларының тоғысқан тұстарында Астана күніне орай facebook әлеуметтік желісін қолданушылар арасында «Астана және мен» атты selfie-конкурс өткізген болатын. Кеше сол бәйгенің қорытындысы шықты. Енді бұл конкурстың маз­мұны­­на аз-кем анықтама бере кетейік.­ Ағыл­шын тілінде self «өзім, өзі» де­ген ұғымды білдіреді. Ол қазіргі таң­­да жас­тар арасында кеңінен та­ра­ған өзін өзі суретке түсіру әді­сі ин­тернетте, соның ішінде әлеу­­мет­тік желілерді тұрақты түр­де қол­данатындар арасында трендке айналып отыр десек те бола­ды. Ре­дакция, міне, осы топ ара­сын­да са­йыс ұйымдастыруды жөн санады. Конкурстың шарты бойын­ша оған қатысушылар Астана­ның бүгінгі келбетін көрсететін ны­сан­дар аясында түскен сурет­терін жолдауға тиіс болатын. Осыған орай, сайысқа қатысушылар Астана аясында түскен суреттерін facebook-тегі  photo.egemen.kz  сайтына жіберді. Келіп түскен суреттердің әрқайсысы модерациядан өткеннен кейін сайт бетіне орналастырылды. Осылайша, конкурсқа келіп түскен 71 сурет­тің ішінен іріктеу жасалып, жеңім­паздар анықталды. «Егемен Қазақстан» газеті ұйым­­дастырған «Астана жә­не мен» тақырыбындағы selfie-кон­курстың қорытындысы бо­йын­ша бірінші орынды Эльвира Ер­ға­лина жеңіп алды. Екінші орын Айнұр Рақышеваға бұйырса, Әй­герім Бөрібаева үшінші орынды иеленді. Кеше «Егемен Қазақстан» газетінің редакциясында конкурс жүлдегерлеріне сыйлықтар тап­сыру рәсімі болды. Оны басы­лым басшысы Сауытбек Абдрах­манов жүргізді. Айдар ӨРІСБАЕВ, «Егемен Қазақстан». Суретті түсірген Ерлан Омаров.