Алматыда бокстан ересектер арасында өтіп жатқан «Қазақстан Республикасы Президентінің кубогы» IV халықаралық турнирінің екінші күні тағы да 10 қазақстандық боксшының алтауы келесі айналымға шықты.
Сейсенбі күні де шаршы алаңға он боксшымыз шығып, соның алтауы ғана жеңіске жеткен болатын. Кеше тағы да осы жағдай қайталанды. Осы күні төрт боксшымыз – Ержан Ордабаев (56 кг), Зәкір Сафиуллин (60 кг), Дархан Жұмсақбаев (60 кг) пен Алексей Севостьянов (91 кг) қарсыластарына есе жіберді.
Ал қалған алты боксшымыз – Берік Әбдірахманов (60 кг), Алмасбек Әлібеков (64 кг), 2011 жылғы Азия чемпионы Айдар Әмірзақов (64 кг), Асланбек Шымбергенов (64 кг), Азия чемпионы Антон Пинчук (91 кг) пен Асқар Абдоллаев (91 кг) қарсыластарын ұтты. Осы боксшыларымыздың бәрі жақсы өнер көрсетті. Әсіресе, 64 кило салмақ дәрежесінде Асланбек Шымбергенов пен 91 килодағы Асқар Абдоллаевтың қарсыластарын техникалық нокаутқа жібергенін айтуға болады. Асланбек ресейлік Эдуард Хусаиновты, ал Асқар Абдоллаев моңғолиялық қазақ боксшы Ерболат Төлекті техникалық нокаутқа жіберді.
60 кило салмақтағы Берік Әбдірахманов пен Айдар Әмірзақов (64 кг) та сауатты қолғап түйістірді. Екеуінің де қарсыластары осал болған жоқ. Дегенмен, ең соңғы сәтте Берік Украина боксшысы Дмитрий Чернякты, Айдар ирактық Сахмар Каррараны тізе бүктірді. Осы жеңістен кейін Әбдірахманов қазақстандық боксшылар арасынан бірінші болып жартылай финалға шықты. Ал А.Әмірзақов ширек финалда Таиланд өкілі Вуттичай Масукпен кездеседі. Алмасбек Әлібековке келер болсақ, ол Украина өкілі Иван Данчейді аса қиналмай ұтты. Қазақ боксшысының қарсыласы, тіпті, соңғы раундта екі рет нокдаунға түсіп қалды.
Кеше, турнирдің үшінші күні 49 кг салмақта Біржан Жақып қырғызстандық Турат Осмоновпен, Жомарт Ержан филиппиндік Роген Ладонмен кездесті. Одан кейін шаршы алаңда Ілияс Сүлейменов (52 кг) Ирак боксшысы Насер Хасанмен, 69 кг салмақта Данияр Елеусінов украиналық Никита Радионовпен қолғап түйістірді. 81 кг салмақта Әділбек Ниязымбетов әзербайжан Агазадамен, Дәурен Елеусінов өзбекстандық Ойбек Мамазулуновпен, ал ең ауыр салмақтағы Иван Дычко өзбек боксшысы Мирзохиджон Абдуллаевпен күш сынасты.
Дастан КЕНЖАЛИН,
«Егемен Қазақстан».
Сейсенбі күні де шаршы алаңға он боксшымыз шығып, соның алтауы ғана жеңіске жеткен болатын. Кеше тағы да осы жағдай қайталанды. Осы күні төрт боксшымыз – Ержан Ордабаев (56 кг), Зәкір Сафиуллин (60 кг), Дархан Жұмсақбаев (60 кг) пен Алексей Севостьянов (91 кг) қарсыластарына есе жіберді.
Ал қалған алты боксшымыз – Берік Әбдірахманов (60 кг), Алмасбек Әлібеков (64 кг), 2011 жылғы Азия чемпионы Айдар Әмірзақов (64 кг), Асланбек Шымбергенов (64 кг), Азия чемпионы Антон Пинчук (91 кг) пен Асқар Абдоллаев (91 кг) қарсыластарын ұтты. Осы боксшыларымыздың бәрі жақсы өнер көрсетті. Әсіресе, 64 кило салмақ дәрежесінде Асланбек Шымбергенов пен 91 килодағы Асқар Абдоллаевтың қарсыластарын техникалық нокаутқа жібергенін айтуға болады. Асланбек ресейлік Эдуард Хусаиновты, ал Асқар Абдоллаев моңғолиялық қазақ боксшы Ерболат Төлекті техникалық нокаутқа жіберді.
60 кило салмақтағы Берік Әбдірахманов пен Айдар Әмірзақов (64 кг) та сауатты қолғап түйістірді. Екеуінің де қарсыластары осал болған жоқ. Дегенмен, ең соңғы сәтте Берік Украина боксшысы Дмитрий Чернякты, Айдар ирактық Сахмар Каррараны тізе бүктірді. Осы жеңістен кейін Әбдірахманов қазақстандық боксшылар арасынан бірінші болып жартылай финалға шықты. Ал А.Әмірзақов ширек финалда Таиланд өкілі Вуттичай Масукпен кездеседі. Алмасбек Әлібековке келер болсақ, ол Украина өкілі Иван Данчейді аса қиналмай ұтты. Қазақ боксшысының қарсыласы, тіпті, соңғы раундта екі рет нокдаунға түсіп қалды.
Кеше, турнирдің үшінші күні 49 кг салмақта Біржан Жақып қырғызстандық Турат Осмоновпен, Жомарт Ержан филиппиндік Роген Ладонмен кездесті. Одан кейін шаршы алаңда Ілияс Сүлейменов (52 кг) Ирак боксшысы Насер Хасанмен, 69 кг салмақта Данияр Елеусінов украиналық Никита Радионовпен қолғап түйістірді. 81 кг салмақта Әділбек Ниязымбетов әзербайжан Агазадамен, Дәурен Елеусінов өзбекстандық Ойбек Мамазулуновпен, ал ең ауыр салмақтағы Иван Дычко өзбек боксшысы Мирзохиджон Абдуллаевпен күш сынасты.
Дастан КЕНЖАЛИН,
«Егемен Қазақстан».
