Инфляция иілді

2022 жылғы сәуірмен са­лыс­­­тырғанда кеңсе тауарлары – 68,5, кір сабын – 59,3, шақ­пақ қант – 51,7, ыдыс жууға арналған құралдар – 51,6, қияр – 50,9, балалар сабыны – 49,6, күріш – 43,9, кір жуу ұнтағы – 43, дәретхана қағазы 42,7 па­йыз­ға қымбаттаған. Жылдық мәнде, керісінше, қырыққабат – 53,4, сәбіз 19,2 пайызға арзандады.

«Инфляция деңгейін сипаттайтын тұтыну бағалары ин­дексінің көрсеткіші ай сайын есеп­теледі. Тұтыну бағалары­ның индексін есептеу кезінде пайдаланылатын тауарлар мен қыз­меттер себеті 508 тауар мен қызметтен тұрады, мұнда 160 – азық-түлік тауарлары, 243 – азық-түлікке жатпайтын тауар­лар және 105 – ақылы қыз­меттер. Бағаларды тіркеу барлық облыс орталығында, астанада және қалалар мен аудан орталықтарында әртүрлі мен­шік нысанындағы сауда және қызмет көрсету кәсіпо­рын­дарының іріктемелі желісі бо­йынша жүргізіледі», деп тү­сін­діреді Ұлттық статистика бюросының баға статистикасы де­партаментінің директоры Қуанышбек Жақыпбекұлы.

Азық-түлік тауарлары ара­сында жеміс пен көкөніс бағасы едәуір қымбаттаған: сәуірде қырыққабат – 4,7 пайыз, қызанақ – 4,1 пайыз, жүзім – 3 пайыз, алма – 2,6 пайыз, алмұрт – 2,4 пайызға қымбаттаған. Бағаның өсуі күрішке – 2,7 пайыз, салқындатылған су­сын­дар­ға – 2,5 пайыз, рожкилерге, ультрапастерленген сүтке – әрқайсысы 2,4 па­йыздан, салқындатылған ба­лық­қа – 2,2 пайыз, пастерленген сүт, макарон өнімдеріне – әрқайсысы 2,1 пайыздан байқалды. Бұл ретте қияр – 11,4 пайыз, қарақұмық жармасы – 3,7 пайыз, күнбағыс майы 2,6 пайызға арзандады.

«Қызмет көрсету бойынша бағалардың өсуі жолаушылар әуе көлігінде байқалды, бір айдың ішінде ұшу қызметі 17,7 пайызға қымбаттады. Бағаның жоғарылауы шаштараз бен сұлулық салондарында – 1,5 пайыз, жерлеуге байланысты салт-жора жасау қызметтерінде – 1 пайыз болып тіркелді. Санаторий қызметтері – 1,1 пайыз, денсаулық сақтау қызметтері 0,9 пайызға қым­бат­таған. Өңірлер арасында ең жоғары айлық инфляция Абай және Ұлытау облыстарында – әрқайсысында 1,4 пайыздан (орташа республикалық деңгейден 0,5 пайыздық тар­мақ­қа жоғары), ең төменгі Астана қаласында тіркелді – 0,5 пайыз», деп хабарлайды Ұлт­тық статистика бюросы.