![Екібастұзда жөнделіп жатқан құбырдан ыстық су атқылап, көшені басып қалды](/media/2023/05/18/image_750x_6465a95c88dc7.jpg)
Екібастұз қаласы әкімі баспасөз қызметінің мәліметінше, оқиға бүгін сағат 6:30-да болған. Мәшһүр Жүсіп көшесі бойындағы диаметрі 820 мм №2 жылу магистралінің жөндеу жүріп жатқан учаскесіндегі бекіткіште ақау анықталған.
«Қазір су тоқтатылды. «Екібастұзжылуэнерго» ЖШС жұмысшылары ақауды жою бойынша жұмыстарды жүргізіп жатыр», деді әкімдіктен.
Сонымен қатар мердігердің бүгін сағат 14:00-ге дейін жағдайды реттеуді жоспарлап отырғаны хабарланды.