Англияның Манчестер қаласындағы 55 мыңға жуық жанкүйерге арналған «Этихад» стадионында алаң қожайындары Чемпиондар лигасының 14 дүркін жеңімпазы Испанияның «Реал» командасын қабылдап, қарсыластарын 4:0 есебімен тізе бүктірді. Алаң иелері сапынан бірінші таймда Бернарду Силва дубльдің авторы атанса (23 және 37-минуттарда), екінші таймда Эдер Милитао (76-минут) өз қақпасына гол соғып алды. Ал кездесудің нүктесін 91-минутта Хулиан Альварес қойды. Мадридтегі алғашқы матчта 1:1 есебі тіркелген болатын.
Осылайша, турнирдің былтырғы жеңімпаздары биыл жартылай финалда сүрініп, өз атағын қорғай алмады. Сөйтіп, 2022/23 жылғы маусым финалында «Интер» мен «Манчестер Сити» клубтары кездесетін болды. Матч 11 маусым күні Ыстанбұлда өтеді.
