Аймақтар • 27 Мамыр, 2023

Ақтөбе облысында алаяқ зейнеткерлердің 5 миллион теңгесін қолды қылған

372 рет
көрсетілді
1 мин
оқу үшін

Ақтөбе облысындағы бірнеше зейнеткердің 5 миллион теңгесін ұрлаған алаяқ ұсталды, деп хабарлайды Egemen.kz.

Ақтөбе облысында алаяқ зейнеткерлердің 5 миллион теңгесін қолды қылған

Ақтөбе облысы полиция департаменті хабарлағандай, алаяқ егде жастағы әйелдерге телефон соғып, туыстарының оқыс оқиғаға ұшырағанын айтып, олардың көмегі қажет екенін түсіндірді. Салдарынан қарттар барын беріп, жиған-тергенінен айырылып қалған. 

Қылмыстың құрбандары - 83, 87 және 90 жастағы қарт адамдар. Келтірілген шығынның жалпы сомасы 5 миллион теңгеден асады.

Жедел-іздестіру шаралары барысында 18 жастағы Ақтау қаласының тұрғыны анықталып, ұсталды. Қылмыстық кодекстің 190-бабының 3-бөлігі, 4-тармағы «Екі немесе одан да көп адамға қатысты ірі көлемде алаяқтық» бойынша сотқа дейінгі тергеу амалдары жүргізілді.