«Digital Crime Lab» (DCL) – дәлелдемелерді талдауға арналған заманауи цифрлық криминалистикалық зертхана. Ол цифрлық іздерді пайдалану арқылы қылмыстарды тергеп-тексеруге арналған. Зертхана криминалистері екі бағытта жұмыс істейтін болады, атап айтқанда, олар – компьютерлік-техникалық зерттеулерді жүргізу және адамдарды сәйкестендіру жүйесі.
Компьютерлік-техникалық зерттеулердің мақсаты – компьютерлік құралдарды, ақпаратты электрондық тасымалдағыштарды, бағдарламалық қамтылымды, байланыс құралдарын және арнайы құрылғыларды (мобильдік телефондарды, планшеттерді, органайзерлерді және т.б.), ақпаратты автоматтық өңдеу құрылғыларын (серверлерді) және телекоммуникациялық құрал-жабдықты зерттеу арқылы деректерді алу.
Оның зерттеу нысандары – дербес компьютерлер, оларға және локалдық желілерге арналған әртүрлі операциялық жүйелер, әртүрлі қолданбалы бағдарламалық өнімдер (жалпы мақсаттағы қосымшалар: мәтіндік және графикалық редакторлар, дерекқорларды басқару жүйелері, электрондық кестелер және т.б.), оның ішінде ойын қосымшалары, мультимедиа форматтардағы деректер.
Осылайша, криминалистикалық цифрлық зертхана қысқа мерзімде күдікті адамдарды анықтауға, құқыққа қайшы әрекет жасаған адамдарды табуға, құқық бұзушылықтарды тергеп-тексеру кезінде дәлелдемелік базаны бекітуге мүмкіндік бермек.
Бұл іс-шаралар жасалған құқық бұзушылық үшін жазадан бұлтартпайды және құқыққа қайшы әрекеттердің алдын алудың үздік тәсілі болып саналады. Полиция қызметкерлерінің айтуынша, ол ел азаматтардың қауіпсіздігін арттырып, халықтың полицияға деген сенім деңгейін көтереді.
Бағдарламалық-аппараттық кешендер мен бағдарламалық қамтылымдардың көмегімен ақпаратты қалпына келтіруге болады. Егер сапалы фото, бейнематериалдар ұсынылса, құқық бұзушылық жасаған адамдарды тез анықтауға болады.
