Алматы облысы ТЖД баспасөз қызметі Алматы облысы Қарасай ауданы Қаскелең қаласында Өміралиев көшесі бойындағы өрт туралы хабарлама келіп түскенін мәлімдеді.
Өрт шыққан жерге ТЖД күштері мен құралдары дереу жіберілген. Алматы облысы ТЖД баспасөз қызметінің мәліметінше, өрт әкімшілік ғимараттың (АХАЖ) мұрағат ғимаратына, жеке тұрғын үйдің шатырына, жеке тұрғын үйдің аумағындағы шатырға және 418 шаршы метр аумақтағы тұрғын үйдің аумағындағы шаруашылық құрылыстарға дейін жеткен.
«Өрттің ауданы алдын-ала 300-400 шаршы метрді құрады. Ең жақын өрт сөндіру бөлімінен өрт орнына дейінгі қашықтық 3 шақырымды құрайды. Ең жақын өртке қарсы сумен жабдықтау (өрт гидранты) объектілерден 1,5 шақырым қашықтықта орналасқан. Өрт сөндірушілер дер кезінде жетіп, қабылданған шаралар өрттің жақын маңдағы сәулет ғимараттарына, дүкендер мен жеке тұрғын үйлерге таралуына жол бермеді», делінген баспасөз мәліметінде.
Қазіргі кезде төтенше жағдайлар департаментінің ғылыми-зерттеу өрт сынақ зертханасы өрттің шығу себебін анықтап жатыр.
Еске сала кетейік, жақында Мәжіліс депутаты Мақсат Толықбай Алматы облысы Қарасай ауданы Шалқар ауылында 250 балаға арналған Ломоносов атындағы орта мектеп жекенің қолына 15 млн теңгеге сатылып кеткенін айтқан болатын. Өрт осы аумақта тіркелді.
