Қоғам • 11 Маусым, 2023

6 жасар баланы құтқарып қалды

294 рет
көрсетілді
1 мин
оқу үшін

Шымкенттік оқушылар – Ердәулет пен Рамазан бір топ достарымен бірге Бадам өзеніне шомылуға келе жатып, кішкентай баланың өзенге батып бара жатқанын байқап қалады. Олар баланы құтқару үшін жалма-жан өзенге қарай ұмтылып, оны жағаға алып шығады. Су жұтқан балада ес жоқ. Көп су жұтып қойған оның іші ісіп, бет-жүзі көгере бас­тапты. Балалардың ішіндегі ересегі, 9-сыныпта оқитын Рамазан тез арада алғашқы медициналық көмек көрсетеді. Бір сынып төмен оқитын досы Ердәулет те жәрдем береді. Жылдам әрекеттің нәтижесінде алты жасар бала есін жиып, дем ала бас­тайды.

6 жасар баланы құтқарып қалды

Осылайша, уақытында көрсетілген медициналық көмектің арқасында кіш­кентай бала аман қалды. Ал бейбіт күннің батырлары Рамазан Амангелдиев пен Ердәулет Шыңғысхан Төтенше жағдайлар министрі­нің бұйрығымен ба­тыл­ды­ғы мен ержүректігі үшін «Суға батқандарды құт­қар­ғаны үшін» медалімен марапатталды. Сондай-ақ оларға қа­лалық төтенше жағ­дайлар департаменті басшылы­ғы­­­ның атынан да естелік сый­­­лық табысталды. Дәл сол күні Ра­мазан мем­ле­кет­тік емтихан тапсыратын бол­ғандықтан, оның сый­лығы анасының қолына бе­рілді. Қос батыр Шымкент қал­асын­дағы №128 жалпы орта мектепте оқиды.

Төтенше жағдайлар де­пар­таментінің хабарлауынша, Бадам өзені жүзуге тыйым са­лынған аймақ болып саналады. Негізінде мегаполисте шо­мылуға арналған 13 орын бар.

 

ШЫМКЕНТ