Аймақтар • 12 Маусым, 2023

Өрт аймағында қашан жаңбыр жауады?

360 рет
көрсетілді
1 мин
оқу үшін

Абай облысындағы ірі орман өрті төрт күннен бері сөндіріліп жатыр. Өңірде сақталып отырған жоғары ауа температурасы мен жел жалынның басқа аймақтарға таралуына себеп болып отыр. Осы орайда «Қазгидромет» РМК синоптиктері жауын-шашынға қатысты болжамдарын ұсынды, деп хабарлайды Egemen.kz.

Өрт аймағында қашан жаңбыр жауады?
Синоптиктер жасаған болжамға сәйкес, 13 маусымда Абай облысының солтүстік-батысында қысқа мерзімді жаңбыр жауады. Алайда найзағай да күтіледі.
«Солтүстік, солтүстік-шығыстан жел соғып, батыста, облыс орталығында екпіні 15-20 м/с дейін жетеді. Ауа температурасы түнде +10+15°С, облыстың оңтүстігінде +18°С, күндіз +27+32°С», делінген хабарламада.

Мамандар Семейде қандай ауа райы болатынын да айтты.

«Семейде күн құбылмалы болады, бірақ жауын-шашын жаумайды. Солтүстіктен солтүстік-шығыстан екпіні 7-12, күндіз 15-20 м/с жел соғады. Күндіз ауа температурасы түнде +12+14°С, күндіз +30+32°С болады», дейді синоптиктер.