Президент • 17 Маусым, 2023

Тоқаев: Сараптау-талдау қызметін тиімді жүргізетін мықты орталықтар қажет

328 рет
көрсетілді
1 мин
оқу үшін

Мемлекеттік саясатта талдау, сараптама жасау қызметі сапалы жүргізілуге тиіс. Қоғам тынысы әрдайым назарда болуы өте маңызды. Шешім қабылдағанда жұрттың ұсыныс-тілектерін, пікірін ескеру қажет. Бұл туралы Мемлекет басшысы Ұлттық құрылтайдың екінші отырысында айтты, деп хабарлайды Egemen.kz.

Тоқаев: Сараптау-талдау қызметін тиімді жүргізетін мықты орталықтар қажет

«Барлық құзырлы органдар осындай тәсілмен жұмыс істеуге міндетті. Мен мұны үнемі айтып жүрмін. Түптеп келгенде, бұл – тұрақтылық пен тыныштықтың, өсіп-өркендеудің кепілі. «Халық үніне құлақ асатын мемлекет» тұжырымдамасының мән-маңызы, өзегі – осында.

Қазір әлеуметтік зерттеу жүргізу үшін түрлі мекемелерге қыруар қаржы бөлінеді. Бірақ, жұмыс жүйелі емес, сондықтан нәтижесі күмәнді болып шығады. Бұл жұмысты бір жерден ұйымдастырып, кешенді түрде жүргізу керек», деді Президент. 

Сондай-ақ ол бізге сараптау-талдау қызметін тиімді жүргізетін мықты орталықтар желісі қажет екенін атап өтті.

«Бұл құрылымдар сапалы әрі сұранысқа ие интеллектуалды өнім ұсынуға тиіс. Еліміз идеологиялық дербестігін сақтау үшін мұның айрықша мән-маңызы бар. Сараптама орталықтары еліміз егемендік кезеңінде жүріп өткен жолдың әр бағытын зерттеуге тиіс. Кемшіліктердің себеп-салдарын анықтау қажет. Үкімет жаңа жоспар жасағанда осы факторлар ескерілуі керек. Ғылым мен зерттеуге негізделген саясат табысты болады», деп атап өтті ел Президенті.