Еңбек • 20 Маусым, 2023

Жұмыскерлерге жанашырлық

754 рет
көрсетілді
5 мин
оқу үшін

«Қазақмыс» және «Казцинк» компаниялары кәсіби еңбек ету қабілетінен айырылған адамдарға арналған әлеуметтік пакетті кеңейтуге бастамашы болды. Осылайша, аталған ірі кәсіпорындар өз жұмыскерлерінің өмірде тап болған қиындықтан шығуларына көмектесіп, өзекті әлеуметтік мәселелерді шешуде мемлекеттік саясатты қолдап отыр.

Жұмыскерлерге жанашырлық

Кәсіби еңбек ету қабілетінен айырылған қазақстандықтар үшін төлемдер сомасын ұлғайту мәсе­лесі кейінгі жылдары бір­не­ше рет көтерілді. Өткен жылы Қарағанды облысының жұрт­шы­лығымен болған кездесуде Мем­ле­кет басшысы Қасым-Жомарт То­қаев адамдардың сұраныстары мен­ тілектерін жақсы түсінетінін және­ бұл мәселелерді Үкімет жан­-жақты пысықтайтынын атап айтты.

«Қазақмыс корпорациясы»­ ЖШС­ және «Казцинк» қазақ­стан­­дық тау-кен метал­­лур­гия­­­лық ком­паниясы қызмет­кер­­лердің сұра­ныс­тарына жауап беріп, тиісті әлеуметтік бағдар­ламаларды іске қосуды ұйғарды.

Осы мақсатпен «Қазақмыс» және «Казцинк» еңбекке қабі­­­ле­­тінен айырылған қыз­мет­­­кер­лер­дің, өндірісте қаза тапқан жұмыскерлер отба­сы­ларының материалдық әл-ауқа­тына мұ­қият­ мониторинг жүр­гізіп, олар­дың­ әлеуметтік жағ­дай­ла­рын және табыс деңгейін зер­де­леді.

Нәтижесінде, 2023 жыл­дың­ 1 маусымынан бастап­ «Қазақ­мыс­ корпорациясы» ЖШС-ның кәсі­би еңбекке қабілеттілігінен айы­рыл­ған қызметкерлердің, оның ішін­де 1,2,3-топтағы мүгедектігі бар адамдардың, өндірістегі жұ­мыс барысында қаза тапқан жұ­мыс­керлер отбасыларының, кәсіби еңбекке қабілеттілігінен айы­рылған, зейнеткерлікке шық­қан жандардың отбасылық табы­сының деңгейі төмен санат­та­рын қолдауға бағытталған жаңа әлеуметтік бағдарламасы бас­талды.

Нақты айтсақ, «Қазақмыс кор­­п­о­рациясы» ЖШС өзінің 2023 жылы айына 1 адамға шақ­қан­да 68 964 теңгені құрайтын ішкі күнкөріс деңгейін ескере­ оты­рып, кәсіптік еңбекке қабі­­лет­тілігінен айырылған, 1,2,3-топтағы мүгедектігі бар адам­дардың, оның ішінде зейнет­кер­лікке шыққандардың да, сон­дай-ақ өндірісте қаза тапқан жұмыс­кер­лер отба­сыларының алатын жал­пы табысы арасындағы айыр­ма­ны төлейтін болады.

Мысалы, төрт адамнан­ тұра­тын,­ оның ішінде екі кәмелетке тол­маған бала өсіріп отырған екін­ші топтағы мүгедектігі бар адам­ның отбасысы айына 195 мың­ теңге мөлшерінде жалпы табыс­­ алады дейік. Ал «Қазақмыс кор­порациясы» ЖШС-ның есептеуі бо­йынша айы­на­ отбасының әрбір мү­ше­сіне 68 964 теңге, яғни төрт адамнан тұратын отбасыға 275 856 теңге қажет. Яғни әлгі екінші топтағы мүгедектігі бар адамның отбасысының айлық табысы кәсіп­орындағы ішкі күнкөріс дең­­гейінен 80 856 теңгеге төмен. Тиісін­ше кор­по­­­рация енді оған ай сайын 80 856 теңге мөлшерінде қо­сымша төлем төлейтін болады.

Егер кәсіби еңбекке қабілет­ті­лігінен 29 пайызға дейін айы­рыл­ған мүгедектігі жоқ адамның отба­сылық жалпы табысы кор­по­­рацияның ішкі ең төменгі күн­кө­ріс дең­ге­йінен төмен болса, он­да оған еліміздегі ең төменгі күн­көріс деңгейі мөлшерінде тө­лем­ белгіленеді. Биыл ол 40 567 тең­гені құрайды.

Корпорация басшылығы атал­­­ған бағдарлама осы санат­тағы­ адамдар үшін елеулі мате­риал­­дық қолдау болатынына се­нім­­ді.

«Біз өз дамуымызда тек жұ­мыс орындарын құрумен, өнді­рістік және қаржылық көрсет­кіш­терді қуып жарысумен, пай­да табумен шектелмейтін дең­гейге жеттік. Біздің басты құн­дылығымыз – адамдар, біз­дің жұмыскерлер, олардың мүд­де­лері мен талап-тілектері», дей­ді «Қазақмыс корпорациясы»­ ЖШС басқарма төрағасы Нұрах­мет­ Нұриев.

Әлеуметтік пакетті кеңейту бас­та­масы «Казцинктегі» әріп­тес­­термен бірлесіп әзірленді.

– Біздің компанияда­ жа­қын­­­­да жаңа Ұжымдық еңбек шар­­­­ты­на қол қойылды, – дей­ді­ «Каз­­цинктің» бас дирек­то­ры Алек­сандр Хмелев. – Онда жұ­мыс­­­керлердің тілек­тері еске­ріл­­ген бірқатар жаңа­шылдық қа­был­данды. Осы жұмыстың ал­дын­да компа­нияда ауқымды сауал­­дама жүргізілді. Әлеу­мет­тік­ жаң­ғы­ртудың ең өзекті әрі ма­ңыз­ды элементтерін қызмет­кер­­­лердің өздері ұсынды. Біз олар­­д­ы кәсіподақпен бір­ге­ ес­керу­ге тырыстық. Көте­ріл­­­ген мәсе­лелердің ішін­де­ «Қазақ­мыс­­тағы» әріптес­те­рі­міз­бен бір­­лесе шешіп жатқан мәсе­ле де бар. Бүгінгі таңда ірі өнді­ріс­ жұ­мыс­кер­лерінің өмір сүру сапа­­сын жақ­сарту – мемлекет алға қойған мін­дет қана емес. Бұл негізінен бола­шақ дамуға, ком­­па­­нияның және тұтастай алған­да, қоғам­ның­ тиімділігі мен өмір­шең­дігі­не­ қосатын үлкен үлес бо­лып са­на­лады.

Жаңа Ұжымдық шарт аясын­да­ «Казцинкте» көпбалалы отба­сыларға, жалғызбасты аналар мен әкелерге, ерекше балаларды тәрбие­леп отырған отбасыларға, өндіріс ардагерлеріне белгілі бір төлемдер пайда болады. Демалыс базаларында демалу жағдайлары айтарлықтай жақсарады. Қауіп­сіз­дік үздік­те­ріне арнайы преференциялар жасалады. Жұмыс өтілі үлкен қызметкерлер үшін­ бірқатар жаңа жеңілдік пен пре­ференция енгізіледі. Компа­ния­ның­ зейнет­керлері мен жастарына ерекше көңіл бөлінеді.

Ірі тау-кен компанияла­ры­ өз жұмыскерлеріне жауап­кер­ші­лік­пен қарау – заманауи үрдіс пен бизнестің өркениеттілігінің бел­гісі ғана емес, сонымен бірге, тұ­тастай алғанда, мемлекеттің әлеу­меттік-экономикалық да­­муы мен тұрақтылығына қосы­ла­­тын үлес деп санайды.