Өтеген батыр ауылында орналасқан парктің кеңсе алаңы 600 ш.м болса, жер учаскесінің жалпы ауданы 1 га техниканы жөндеу орны – 1000 ш.м серіктестік облыстың 332 тұрғынын жұмыспен қамтамасыз етеді. Бүгінгі таңда аталған серіктестікте 25 автобус бар. Оның ішінде 17 бірлік 12 метрлік, 7 бірлік 9 метрлік «Лиаз» және сыйымдылығы шағын «Газель» автобустары.
Облыстың шалғайдағы ауыл тұрғындарының өтініші бойынша №5 «Төле би ауылы» (Іле ауданы) – «Сәлем» автостансасы (Алматы қаласы)» аралығына жаңа автобус бағыты ашылды. Бұл бағытқа 12 метрлік 6 автобус қызмет көрсетеді. Сыйымдылығы 108 адам болатын «Лиаз» маркалы автобус маршрутпен қамтылмаған 2 ауылдық елді мекенді, Төле би мен Түймебаев ауылдарына қатынауды өз міндеттіне алған. Маршруттардың жұмыс уақыты таңғы 5.40-тан кешкі 22.00-ге дейін жүзеге асады. Қоғамдық көліктердің қозғалыс аралығы 20 минутты құрайды.
– Сондай-ақ Алматы қаласымен бірлесе отырып, агломерацияның 50 шақырымдық аймағында жаңа бағыттарды әзірлеудеміз. Алдағы уақытта Алматы облысының аумағында 9 бағытқа қызмет көрсетуге 130 бірлік жаңа автобус сатып алу жұмыстары жүргізілуде, деді облыс әкімінің орынбасары Алмас Батанов.
Бұл маршруттар 20-ға жуық елді мекенді, 1 қаланы (Гейт Сити) және Іле ауданының қоғамдық көлікпен қамтылмаған 2 ірі шағын ауданын қамтамасыз ететін болады. Жақын арада қоғамдық көліктерде QR код немесе банк картасы арқылы төлем жасалатын электронды билет жүйесі орнатылады.
Алматы облысы
