Спорт • 14 Шілде, 2023

Қазақстан мергендері Италияда жүлделі болды

236 рет
көрсетілді
1 мин
оқу үшін

Италияның Лонато қаласында стенд атудан Əлем кубогының кезеңі өтіп жатыр. Бүгін аралас жұптар арасындағы скит жаттығуында отандасымыз Əсем Орынбай мен Эдуард Ещенко қола медаль жеңіп алды, деп хабарлайды Egemen.kz.

Қазақстан мергендері Италияда жүлделі болды

Спортты дамыту дирекциясының мәліметінше, біздің спортшылар жүлде жолында Олимпиада чемпионы жəне күміс жүлдегері Кьяра Кайнеро мен Элия Сдруччолиден (Италия-2) басым түсті. Есеп: 44-43.

Бұл сында іріктеуге барлығы 42 команда қатысты.

Қазір Қазақстан құрамасының қоржынында бір жүлде бар. Жарыс 17 шілдеде аяқталатындықтан, жерлестерімізде басқа жаттығуларда жеңімпаздар тізіміне кіруге мүмкіндік әлі де бар.