Теннис • 17 Шілде, 2023

Жұптық сынның жеңімпаздары

158 рет
көрсетілді
1 мин
оқу үшін

Өткен аптада Аустрия және Ита­лия­­да ұйымдастырылған теннистен халықаралық турнирде жерлесте­рі­міз­дің бағы жанып, жұптық сында жеңімпаз атанды.

Жұптық сынның жеңімпаздары

Атап айтқанда, Аустрияның Зальцбург қаласында мәресіне жеткен ерлер арасын­дағы челленджер турнирінде Андрей Голу­бев бас жүлдеге ие болды. Жерлесіміз бұл турнирде украиналық Денис Молчановпен бірге жұп құрап ойнап, финалдық сайыста үндістандық теннисшілер – Анируд Сан­драсекар мен Виджай Сундар Прашантпен шебер­лік байқасты. Бірінші партияда қазақ­стандық-украиналық жұп 6:4 есебімен жеңіске жетсе, екінші сетте тай-брейкте басым болды – 7:6 (10:8).

Ал Италияның бас шаһары – Рим қала­сында өткен әйелдер арасындағы W60 санатындағы турнирде Жібек Құламбаева үздік шықты. Ол Беларусь өкілі Юлия Готовкомен бірге финалда осы жарыстың бірінші ракеткасы болып тіркелген колум­биялық Юлиана Лизаразо мен Мария Пау­линамен кездесіп, екі сетке жалғасқан ойын­да қазақстандық-беларусьтік жұп 6:4, 6:4 есебімен жеңіске жетті.