Бір аптадан астам уақытқа созылған ірі өрттер болған Қостанай облысының Әулиекөл ауданында қарағайлы ормандарды табиғи қалпына келтіру жұмыстары 2022 жылдың күзінде басталған еді.
Жергілікті ақпарат порталының хабарлауынша, қарағайдың алғашқы өскіндері жер бетіне енді ғана шықты.
«Егіс алқаптары ылғалдылығы жоғары, жазық жерлерде орналасады. Олар рельефтің биік аймақтарында әлі жоқ, бұл табиғи, бұл жердегі топырақ құрғақ, (өркендер) сәл кейінірек шығады», деді «Республикалық орман селекциялық тұқым орталығы» мемлекеттік кәсіпорнының инженер-орман патологы Виталий Вагнер.
Мамандар көп ұзамай өртенген орманның басқа жерлерінде қарағайлар пайда болатынына сенімді. Енді мұндағы орманшылардың міндеті – жас өскіндерді ажалдан арашалап, орманды сақтап қалу.
Еске сала кетсек, ірі өрт 2 қыркүйекте Басаман және Семиозерный орман шаруашылығы бөлімдерінің аумағында басталған. 3 қыркүйекте өртке байланысты Әулиекөл ауданындағы бірнеше ауылдың тұрғындары қауіпсіз жерге көшірілді. 10 қыркүйекте өрттің толық сөндірілгені белгілі болды. Осы уақыт ішінде жалын 43 мың гектар орманды жойды.
Өрт ошақтарына жас ағаштар отырғызылған еді, бірақ осы жылдың маусым айында егілген қарағайлардың қурап жатқаны белгілі болды.
