Естеріңізге сала кетейік, Қазақстандағы букмекерлік кеңселер саны
2 есе қысқарды. Мәселен, 2021 жылдың басында елде 38 букмекерлік кеңсе жұмыс істесе, бүгінде олардың саны – 16. Ал оның ішінде іс жүзінде жұмыс істейтіндері – 12.
Букмекерлік кеңселердің санын азайту үшін Мәдениет және спорт министрлігі түсіндіру жұмыстарын жүргізіп отыр. Нәтижесінде кейінгі 3 жылда букмекерлік кеңселер 15 лицензияны өз еркімен тапсырған.
«Министрдің тапсырмасы бойынша осы бағыттағы жұмыс күшейтілетін болады. Бүгінгі таңда Мәдениет және спорт министрлігінің қатысуымен ойын бизнесі және лотерея қызметі саласындағы заңнамаға 62 түзетуді, сондай-ақ ілеспе нормативтік-құқықтық актілерді көздейтін 3 заң жобасы әзірленді. Сондай-ақ біз ойын бизнесінің жарнамасымен күресу үшін заңнамалық деңгейде түзетулерге бастамашы боламыз», деді Мәдениет және спорт вице-министрі Ержан Еркінбаев.
