Әлем • 27 Шілде, 2023

Ресейдің Қазақстанмен шекарасында тікұшақ өртеніп, 6 адам көз жұмды

310 рет
көрсетілді
1 мин
оқу үшін

Ресей Федерациясының Төтенше жағдайлар министрлігі хабарлағандай, тікұшақ бортында 13 жолаушы болған, деп жазады Egemen.kz.

Ресейдің Қазақстанмен шекарасында тікұшақ өртеніп, 6 адам көз жұмды

Ми-8 тікұшағы Қазақстанмен шекарада орналасқан Алтай Республикасы, Көксу ауданы Тыңғыр елді мекенінде қонып, өртеніп кетті.

Бұл туралы Ресей Төтенше жағдайлар министрлігінің Алтай Республикасы бойынша Бас басқармасының Telegram-арнасы хабарлаған.

«Оқиға орнында өрт сөндіру және авариялық-құтқару бөлімшелері жұмыс істеп жатыр. Қосымша ақпарат анықталып жатыр», делінген хабарламада.

Алдын ала болжам бойынша, тікұшақ электр сымдарына тиген.

Ресей Төтенше жағдайлар министрлігінің мәліметі бойынша, Ми-8 бортында 13 адам болған. Оның алтауы көз жұмған.