Қоғам • 27 Шілде, 2023

Алматыда Райымбек даңғылының бір бөлігі уақытша жабылады

163 рет
көрсетілді
1 мин
оқу үшін

Жылу желілерін реконструкциялауға байланысты 28 шілдеде сағат 00:00-ден 10 тамызға дейін Алматы қаласының Жетісу ауданында Райымбек даңғылы бойында Байзақов көшесінен Казаков көшесіне дейін батыс бағытта автомотокөлік қозғалысы жабылады, деп хабарлайды Egemen.kz.

Алматыда Райымбек даңғылының бір бөлігі уақытша жабылады

Қала әкімдігі кептелісті азайту үшін бұл аумақта реверсивті қозғалыс үшін уақытша жолақ бөлінетінін ескертті. Реверс – жолдардағы қозғалыс бағыты керісінше өзгеруі мүмкін арнайы жолақ.

Бұған қоса, күн сайын сағат 15:00-ден 19:00-ге дейін жылу желілерін жаңғырту жөніндегі жұмыстарды жүргізу уақытында жол қозғалысына қосымша бақылау шаралары қолданылады.

Алматы әкімі Ерболат Досаевтың тапсырмасына сәйкес, құрылысшылар даңғылдың асфальт жабынын қалпына келтірудегі барлық жұмысты оқу жылы басталғанға дейін аяқтайды. Мердігер құрылыс ұйымы жылу магистралін реконструкциялауды тәулік бойы, кідіріссіз жүргізеді. Бұл үшін құрылған бригадалар орындалған жұмыстардың сапасын барынша қамтамасыз етіп, нысанда бірнеше ауысымда жұмыс істейді.