Ақтөбедегі IT Hub

Жуырда Ақтөбе облысы­на­ ісса­пармен барған Пре­мьер-министр Әлихан Смайы­лов­қа өңірдегі ақпарат­тық­ технологиялар мен инновация­лар­ды дамытуда маңыз­ды рөл ат­­қа­ратын өңірлік Aqtobe­ IT Hub таныстырылды. Үкі­мет басшысы айтқандай, әрбір қалада қалалық және ауыл жас­тарының цифрлық техноло­гия­ларда бі­лім алуға және қабілет­терін дамытуға мүмкіндік беретін ІТ-индустрияны дамыту орталығы болуы керек. Өйткені бұлар болашақта экономикамызды цифрландырудың негізі болуға тиіс. Цифрлық технологияларсыз одан әрі даму мүмкін емес.

Премьер-министр цифрлық технологиялар саласын дамыту үшін ел астанасында салықтық жеңілдіктерді қарастыратын және әкімшілік рәсімдердің бар­лығын жеңілдететін халық­ара­лық IT-хаб құрылғанын атап өтті. «Қазір нәтижесін көріп­ отырмыз. Былтырғы жыл­дың қо­рытындысы бойынша IT өнім­дері мен қызметтері есебінен экспорт 300 млн доллардан аса со­маны құрады. Биыл бұл сома 500 млн долларды құ­рап отыр. Екі-үш жыл­дың ішін­де 1 млрд долларға жетеді деп кү­тілуде. Сондықтан бұл тә­жіри­бені тарату маңызды», деді ол.

Цифрлық даму, инновациялар және аэроғарыш өнеркәсібі министрі Бағдат Мусиннің айтуынша, өңірлердің жұмыс тәжірибесі қазірден оң нәтиже көрсетіп отыр. Мәселен, хабтарда идеялары мен стартаптары бар жас және талантты кәсіпкерлер ерте кезеңде тәрбиеленеді. Олар оқудан кейін Astana Hub-тың өзінде одан әрі өсуге, масштабтауға және акселерациядан өтуге, сондай-ақ шетелдегі әріптестік бизнес-бағдарламаларға қатысуға мүм­кіндік алады.

Өңірлік хабтар инновация­лық жобаларды дамытумен, IT-саласы кадрларын даярлаумен және оқытумен айналысады. Сондай-ақ қызығушы­лық білдірген жандар бас қоса­тын стартаптардың, инвес­тор­лардың, менторлардың жер­гі­лікті IT-қауымдастығын құрай­ды. Инкубациялық кезеңде стартап-жобаларды әзірлеу кезін­де кәсіпкерлікке оқыту, инвес­ти­циялар тартуға көмектесу, қар­жылық есеп жүргізу және PR-қол­дау жүзеге асырылады.

– Өңірлік IT-хабтарды дамыту – Astana Hub-тың басты міндеттерінің бірі. Біз биыл ел бойынша 14 өңірлік IT-хаб ашуды мақсат етіп отырмыз. Бүгінгі таңда Aqtobe IT Hub-тан бөлек 8 өңірлік хаб табысты жұмыс істеп жатыр. Олардың қатарында Abai IT Valley, Kyzylorda Hub, Digital Jetisu, Zhambyl Hub, Oskemen IT Hub, Jaiq Hub, Turkistan IT Hub және Qostanai IT Hub бар, – дейді Astana Hub-тың басқарушы директоры Алина Әбдірахманова.