Абай облысы құрылғалы бері 2022 жылы 302 адамға қоныс аудару өңірлік квотасы бекітіліп, ол 100% толығымен орындалған. Облыс әкімдігі ұсынған ақпаратқа сәйкес, 2023 жылы қандастар мен қоныс аударушыларды қабылдаудың өңірлік квотасы 434 адамды құрап, бұл күндері 80 қандас, 206 қоныс аударушылар квотаға енген.
Ұлттық жоба аясында қандастар және олардың отбасы мүшелеріне мемлекеттік субсидия түрінде келесі мемлекеттік қолдаулар көрсету көзделген:
- көшіп келуге бір реттік 70 АЕК (241 500 теңге);
- тұрғын үйді жалдау (жалға алу) және коммуналдық қызметтерге ақы төлеу шығыстарын жабу үшін 15-30 АЕК;
- тұрғын үйді сатып алуға немесе баспана құрылысына 4 млн теңге көлемінде сертификат.
