Билік өкілдерінің ойын мекемесіне бару фактісі қоғам тарапынан негізделген сын тудырады. Оларға жоғары талаптар қойылған, олар азаматтардың алдында мемлекеттік биліктің қадір-қасиеті мен беделіне нұқсан келтіретін әрекеттерге жол бермеуі керек.
«Қызметтік әдеп нормаларының талаптарын сақтау шеңберінде әскери қызметшілерді, мемлекеттік қызметшілерді және құқық қорғау органдарының, азаматтық қорғау органдарының және мемлекеттік қызметшілердің «Ойын бизнесі туралы» заңда көзделген ұйғарымға жататын ойын мекемесіне барудан бас тартуға ынталандыруға бағытталған ұсынымдық сипаттағы нормаларды енгізу ұсынылады», делінген түсіндірме жазбада.
Десе де мемлекеттік қызметкерлер мен құқық қорғау органдарының қызметкерлері қызметтік қажеттілік туындаған жағдайда казиноға бара алады. Ал әскери қызметшілер үшін ерекшеліктер қарастырылмаған.
Жоғарыда аталған жобаға сәйкес Президенттің үш жарлығына өзгерістер енгізу көзделген. Олар:
- «Қазақстан Республикасы Қарулы Күштерінің, басқа да әскерлері мен әскери құралымдарының жалпыәскери жарғыларын бекіту туралы»;
- «Қазақстан Республикасы мемлекеттік қызметшілерінің әдеп нормалары мен мінез-құлық қағидаларын одан әрі жетілдіру жөніндегі шаралар туралы»;
- «Қазақстан Республикасының Құқық қорғау органдары, азаматтық қорғау органдары және мемлекеттік фельдъегерлік қызмет қызметкерлерінің Әдеп кодексін бекіту туралы».
Жоба 28 тамызға дейін «Ашық НҚА» порталында жария талқылау үшін орналастырылған.
Карима ЖҰМАҒАЛИ,
Қорқыт ата атындағы Қызылорда университетінің студенті
