Аймақтар • 24 Тамыз, 2023

Ауыл және интернет

129 рет
көрсетілді
2 мин
оқу үшін

2025 жылға дейін Қостанай облысының бар­лық ауылын интернетпен және байланыспен қамтама­сыз ету жос­парланып отыр. Бұл туралы Мәжіліс депутаттары Еркін Әбіл мен Екатерина Смышляева­ның Қостанай облысына жасаған жұмыс сапары кезінде мәлім болды.

Ауыл және интернет

Олар мектеп жасындағы балаларға арналған Смарт-орталықтың жұмысымен танысып, басқа да нысандарды аралады. «Юбилейный» шағын ауданында салынып жатқан Смарт-орталық осы өңірдің жол картасына енгізілген. Ол 600-ден астам оқушыға арналған. Мұнда роботтехника және бағдарламалау кабинеттерін, киберспорт залы, ландшафты дизайн студиясы және басқа да бағыттар бойынша зертханалар ашу жоспарланған.

«Орталық тек білім алатын орын емес, балалардың жеке әлеуетін ашуға, қабілеттерін дамытуға, таланттарын анықтауға арналған алаң. Қостанайда мұндай нысанның салынып жатқаны және оның жақын арада іске қосылатыны қуантады», деді Е.Әбіл.

Смарт-орталықтың жалпы ауданы 12 мың шаршы метр­ден асады. Оның айналасы балаларға, жастарға арналған спорт алаңдарымен, жасыл желекпен, үш субұрқақпен абаттандырылады.

Сонымен қатар мәжілісмендер Tele2/Altel ұялы байланыс операторларының 5G жаңа буынының базалық байланыс стансасына барды. Облыстық ақпараттандыру басқармасының басшысы Азамат Қашиев депутаттарды жақында іске қосылған жаңа байланыс мұнарасымен таныс­тырды. Енді қалада Tele2 және Altel ұялы байланыс пайдаланушылары үшін 5G қолжетімді.

Бұдан кейін Қостанай облысындағы ауылдарды байланыспен қамтамасыз ету мәселелері бойынша кездесу өтті. Жиынға Мәжіліс және облыстық мәслихат депутаттары, ақпараттандыру басқармасының өкілдері, сондай-ақ ұялы байланыс операторлары қатысты.

«Халықты сапалы байланыспен қамтамасыз ету – маңызды мәселе. Әріптестерімізбен облыстың аудандары мен ауылдарын аралаймыз, халықпен кездесеміз. Сонда жиі қойы­ла­тын сұрақ­тар­дың бірі – шалғай елді мекендерді интернет және тұрақ­ты бай­ланыспен қамтамасыз ету. Қазір бұл бағыт­та белсенді жұ­мыс ат­қарылып жатыр. 2025 жылға дейін біз облыс­тың барлық ауылын интернетпен және байланыспен қам­та­ма­сыз етуді жос­пар­лап отырмыз. Бұған өткен шақырылымда де­пу­­тат­­тар қа­был­даған заңнамалық түзетулер ықпал етеді», деді Е.Смышляева.

 

Соңғы жаңалықтар

Нақты істің кезеңі

Үкімет • Кеше

Отан да, парыз да ортақ

Аймақтар • Кеше

Инфляция иірімі

Инфляция • Кеше

Шаруаның көңілі неге күпті?

Шаруашылық • Кеше