Сыбайластықты анықтайтын жоба

Сыбайлас жемқорлыққа қар­сы ­іс-қимыл агенттінің Атырау об­лыс­тық департаменті бас­шы­сының бірін­ші орынбаса­ры Нұрлан Жахиннің айтуын­ша, жобаның мақсаты – бел­­сенді азаматтарды, қоғамдық бір­­лестіктерді, жеке және ква­­зи­мем­лекеттік сектор су­бъек­­тілерін, сон­дай-ақ басқа да ұйымдарды сыбайлас жем­қор­лыққа қарсы іс-шараларға ерікті ретінде тарту. Жоба аясында еріктілер бірнеше бағыт бойынша жемқорлыққа қарсы күрес жүргізуге көмек көрсете алады.

«Атырау облысында өзекті мә­се­лелердің оң шешімін табуына ықпал ететін сыбайлас жем­қор­лық тәуекелдерінің картасы енгізіл­ді. Алайда аталған қыл­мысқа қарсы ашықтықтың бол­мауынан, әкімшілік кедер­гілер мен заңнаманың жетілді­ріл­­меуі салдарынан туындайтын проб­лемалар бар. Сол се­беп­тен, бел­сенді азаматтарды «Сы­байлас жем­қорлыққа қар­сы во­лонтерлік» жобасына ерікті бо­лу­ға шақырамын», дейді Н.Жахин.

Мәселен, жобаның бірінші бағыты – қоғамдық бақылау. Мұ­ның басты тармағы мониторинг жүргізіп, қорытындысымен бөлі­суге байланысты болып отыр. Мони­торингті мемлекеттік сатып алу пор­талында бағаны көтеру мәніне, бюджет қара­жатын жұмсау тиім­ді­лігіне, өңір­дің проблемалық мәсе­ле­­леріне, тиісті жұмыс сапасы жоқ объектілерге, ауыл шаруа­шылығы мақсатындағы жерлерді пайдалануға, ұлттық жобаларды, өңірлерді дамыту жоспарларын іске асыруға, ақпараттың қолжетімділі­гін қамтамасыз ету бөлігінде заң­нама талапта­ры­ның сақталуына, әлеу­меттік маңызы бар мекемелердің жай-күйіне мониторинг жүргізуге болады.

Екінші бағыт – сыбайлас жем­қорлыққа қарсы зерттеу және ағарту. Еріктілерге сыбайлас жемқорлық проблемаларын зерттеу, кейіннен оны жою және алдын алу бойынша ұсыныстар әзірлеу ұсынылып отыр. Сондай-ақ студенттер арасында сыбайлас жемқорлық­қа қар­сы мәдениетті қалып­тас­тыру, атал­ған қылмысқа қар­сы шешімдерді әзір­леу, форумдар, конференциялар, се­минарлар секілді іс-шаралар­ды ұйымдастыру, фильмдер, сериал­дар түсіру әдісімен контент жасауға қатысу, әлеуметтік роликтер әзірлеу бар.

Ал «Pro bono» волонтерлік ба­ғы­­тының ауқымы кең. Бұл ба­­ғытта адвокаттар мен но­та­­риустардың, сот орын­дау­шы­ларының, кәсіподақтар мен ар­дагерлер ұйымдары өкіл­дері­нің азаматтар мен еңбек ұжым­да­рына тегін құқықтық көмек көрсетуі көзделген. Комплаенс-офи­церлер­ді практикалық оқы­ту, сыбайлас жем­қорлық тәуе­келдерін және оған қарсы мони­торингтерді сыртқы тал­дауға сарапшылар тартылады.

Төртінші бағыт – корпо­ра­тив­тік еріктілік. Осы орайда тұ­тыну­шыларға берілетін талондар мен тү­біртектердің артқы бетіне сыбайлас жемқорлыққа қарсы баннерлерді орналастыру, сыбайлас жемқорлық­қа қарсы push-хабарламаларды жіберу контентін ілгерілетуге басымдық беріледі.

«Бұл жоба аясында Атырау во­лонтерлері Исатай ауданы­ның орталығы – Аққыстау ауы­лындағы кентішілік жолдар­ды қайта жаңарту кезінде бюд­жет қаражатының тиім­сіз жұм­­салғанын анықтады. Волон­терлер аталған ауылдағы Достық және Абай көшесіндегі асфальт­бетон жабындысының бұзылға­ны, шұңқырлар туралы ақпаратты Антикорға жіберді. Атап айтқанда, Исатай ауда­ны әкімдігінің лауазымды тұл­ғалары Исатай аудандық тұр­ғын үй-коммуналдық ша­руа­шы­лық бөлімі мен «Информ­стройсер­вис» ЖШС арасын­да кентішілік жол­дар­ды рекон­струк­циялауға 1,4 млрд теңге со­маға жасалған қолданыста­ғы шарт шеңберінде атқарған жұ­мысы туралы жалған актілерге қол қойған» деп хабарлады де­пар­тамент­тің баспасөз қызметі.

Қазір бұл дерек раста­лып отыр. Еріктілердің қыра­ғылы­ғының нәти­жесінде, бюджеттің 78 млн теңге­ден астам қаржы­сын жымқыру қаупі туында­ғаны анықталған.

 

Атырау облысы