Әскерге шақыру басталды

Жыл соңына дейін жалғаса­тын науқан аясында жергілікті атқарушы органдардың пункт­терінде 195 қалалық және аудан­дық шақыру комиссиясы жұмыс істеп жатыр. Биылғы әскерге қа­былдаудың ерекшелігі – бар­лық іс-шара ашық түрде өтеді, сондықтан комиссия жұмысын сарбаздардың аналары мен қо­ғам­дық комитет өкілдері бақылай алады.

Осы күзде әскер қатарына 19 мыңнан астам жас алынады деп күтіліп отыр. Оның ішінде Қа­ру­лы күштер қатарына 8 мың­нан астам, Ұлттық ұланға – 6 мың, ҰҚК Шекара қызметіне – 3 мың, Мемлекеттік күзет қыз­ме­­тіне және Төтенше жағдай­лар министрлігіне 300 адам ша­қырылады.

Азаматтарды мерзімді әскери қызметке даярлау және әскерге шақыру – үздіксіз жүргізілетін үрдіс. Учаскелерге тіркелген сәттен жергілікті әскери басқару органдары әскерге шақырылуға жататын азаматтарды жүйелі түр­де зерделеуді бастайды. Ол үшін оның құжаттарын оқып қана қоймай, жас жігіттермен тәжірибе жұмыстары да жүр­гізіледі.

Кезекті науқан қарсаңында барлық өңірде шақыру комис­сия­ларын басқаратын облыс, қала және аудан әкімдер­і орын­басарларының басшылы­ғымен шақыру және медициналық комиссиялары мүшелерімен нұсқау-әдістемелік сабақтар өтті. Мемлекет басшысының тапсырмасымен қорғаныс ведомствосы мүдделі мемлекеттік органдармен бірлесіп, мерзімді әскери қызметшілердің және олардың отбасы мүшелерінің әлеуметтік әл-ауқатын жақсарту үшін мерзімді әскери қызметтің абыройын өсіру және беделін арттыру жөніндегі жұмысты жол­ға қойған. Соның бірі – бү­гін­де мерзімді қызметке алын­ған сарбаздарға несиелік ка­ни­­кул беріледі. Яғни ол әскер­ден оралғанша несие төлеу шегеріледі.

Қарулы күштердің, бас­қа да әскерлер мен әскери құ­ра­лымдардың оқу орталықта­рын­да сарбаздар әскери-есептегі ма­ман­дықтар бойынша даярланып, оларға мемлекеттік үлгідегі куәлік беріледі. Бұлар – ел экономикасы үшін сұраныстағы мамандықтар.

Қорғаныс министрлігі 70-тен астам жоғары және жоғары оқу орнынан кейінгі білім беру меке­месімен мерзімді әскери қыз­мет өткерген азаматтар үшін білім беру секторында қо­сым­ша жеңілдіктер беру туралы келісімге қол қойды. Биыл жоғары оқу орындарына тегін білім алу үшін әскерде қызмет еткен 180-нен аса, ақылы түрде оқуға 400-ден аса адам түсті.

Қазіргі уақытта әскери мін­дет­тілер мен әскерге шақыры­лу­шыларды есепке қою және шығару тұрғылықты жері өзгер­ген кезде автоматты түрде жүзеге асырылатынын білген жөн. Сол сияқты жуыр­да шақыру учас­келеріне тіркеу туралы куәліктер беру және борышын өтемеген азаматтарға әскери билеттер беру үрдісі жойы­лады.