Қоғам • 05 Қыркүйек, 2023

Атам қазақ тілінде сөйлеуді бұйыратын - Димаш Құдайберген

405 рет
көрсетілді
1 мин
оқу үшін

Әлемге танымал әнші, музыкант Димаш Құдайберген Ресей радиосының тілшісіне орыс тіліне қатысты пікір білдірді. Бұл туралы журналист әрі қоғам белсендісі Айдос Жұқанұлы өзінің Facebook парақшасында жазды, деп хабарлайды Egemen.kz.

Атам қазақ тілінде сөйлеуді бұйыратын - Димаш Құдайберген

Фото: Facebook/Dimash Qudaibergen/

«Кеңес Одағы ыдырағанда Сіз үште болған екенсіз. Бәрі жаппай шет тілін меңгеруге ұмтылған кез. Жалпы үйіңізде орыс тілінде сөйлесесіздер ме?», деп сұрақ қойды Ресей радиосының тілшісі.

Бұл сұраққа жауап берген Димаш әр ұлт өкілі ең алдымен өз ана тілін сыйлауы тиіс екенін қадап айтты.

«Біздің үйде темірдей тәртіп бар. Атам да, әкем де, апам да, анам да бәрімізге қазақ тілінде сөйлеуді бұйыратын. Мен мұны дұрыс деп білемін. Әр ұлт өкілі ең алдымен өз ана тілін сыйлауы тиіс, әрине өз тілінде көбірек сөйлеуге тырысуы керек. Сондай бір өтпелі кезеңде елге еліктеп кетпей, қазақтілді жас болып өскеніме мақтанамын», деді әнші.

Соңғы жаңалықтар