Тіпті Парламенттің арнайы сессиясына тиісті қарар дайындады. Ел Конституциясының 1-бабына Бхарат атауы енгізіледі деп Үндістан ұлттық конгресінің басшысы Джайрам Рамеш әлеуметтік желіде жариялады.
«Кезінде британдықтар Бхарат атауын Үндістанға ауыстырып еді. Біздің ел мыңдаған жыл бойы Бхарат атауымен танылған. Ал Үндістан атауы отаршылдықтың символы іспеттес, сондықтан Үндістан деген сөз ел Конституциясынан алынып тасталуы керек», дейді үкіметтегілер.
G20 саммитінің ресми кешіне шақыру қағазына Бхарат Президентінің атынан қол қойылғанын да айта кеткен жөн. Үндістан халқы хинди тілінде өз елін «Бхарат» деп атайды, бұл ресми құжаттарда көрсетілген. Ел атауын өзгерту туралы шешім 18-22 қыркүйек аралығында өтетін Парламенттің арнайы сессиясында қабылдануы мүмкін.
