Инновациялық ғимаратта 600 шаршы метр спорт залы, үлкен киіз үй пішінді 80 орындық кітапхана, жоғары деңгейде жабдықталған 3 дәріс залы, LED экранды амфитеатр, 400 орындық асхана, хореография, дзюдо залдары, оқушылардың демалуына арналған 10-нан аса шығармашылық аймақ пен асхана орналасқан.
Мектептің негізін қалаған меценат Әсел Тасмағамбетованың айтуынша, инновациялық корпустың ашылуы – мектеп құрылғалы жоспарланған маңызды қадамның бірі. Бұл орталықта оқушылардың кәсіби салада ғана емес, мәдени мұрамызды, тарихымызды мақтан тұтатын тұлға болып қалыптасуына толыққанды жағдай жасалған.
Шоқан Уәлиханов атындағы жекеменшік мектеп он жылдан аса уақыт ішінде халықаралық экологиялық стандартқа ие бола отырып, білім беру ісінде үздік тәжірибе мен сапалы білімге қолжетімділікті қамтамасыз етіп келеді. Оқушыларды үнемі ынталандырып отыру мақсатында үздік оқушыларға арнайы гранттар мен шәкіртақы қарастырылған.
АЛМАТЫ
