Спорт • 10 Қыркүйек, 2023

Отбасы күніне орай жүгіру марафоны өтті

236 рет
көрсетілді
1 мин
оқу үшін

Астанада Отбасы күні мерекесіне орай Көктал саябағында жүгіру марафоны өтті, деп хабарлайды Egemen.kz әкімдіктің баспасөз қызметіне сілтеме жасап.

Отбасы күніне орай жүгіру марафоны өтті

Фото: gov.kz

Президент Жарлығымен 2013 жылдан бастап әр қыркүйектің екінші жексенбісінде Отбасы күні мерекесі атап өтіледі. Отбасылық мерекеге орай, алғаш рет «Koktal run» жүгіру марафоны ұйымдастырылып, 3 жас ерекшелігі бойынша жеңімпаздар анықталды.

«Бүгінгі іс-шарамызды Отбасы күніне орай ұйымдастырып жатырмыз. Осы мақсатта жүгіру спортын таңдадық. Қысқа қашықтық болғандықтан, кез келген тұрғынның қатысу мүмкіндігі болды. Сайысқа қаламыздың 200-ден астам әуесқой спортшысы қатысты. Отбасында дұрыс тәрбиені бойға сіңіруіміз қажет. Жүгіру – соның көрінісі. Ата-ананың жүгіргенін көріп, бала да салауатты өмір салтын ұстанатыны анық», деді Сарыарқа ауданының маманы Дамир Хисматуллин.

Марафонда ерлер мен әйелдер 5 шақырымға, жасөспірім ер балалар 2 шақырымға, қыздар 1 шақырым қашықтыққа жүгірді. Жеңімпаздар мен жүлдегерлер диплом, медаль, бағалы сыйлықпен марапатталды.