Спорт • 24 Қыркүйек, 2023

Әбиба Әбужақынова Азиада-2023 финалында күреседі

128 рет
көрсетілді
1 мин
оқу үшін

Дзюдошы Әбиба Әбужақынова (48 кг дейінгі салмақ) Қытайдың Ханчжоу қаласында өтіп жатқан ХІХ жазғы Азия ойындарының финалына шықты, деп хабарлайды Egemen.kz Спортты дамыту дирекциясының баспасөз қызметіне сілтеме жасап.

Әбиба Әбужақынова Азиада-2023 финалында күреседі

Отандасымыз жартылай финалда Оңтүстік кореялық Ли Хек Енгті жеңді. Сәл ертеректе Әбиба алғашқы белдесуінде Филиппин спортшысын вазари әдісімен, одан кейін Солтүстік Корея палуанын ұтқан.

Ерлер арасында Мағжан Шамшадин (60 кг) жартылай финалда оңтүстік кореялық Ли Харимге (2023 жылғы әлем чемпионатының қола жүлдегері) есе жіберді. Енді ол қола медаль үшін күресетін палуанды күтеді.

Сонымен қатар сағат 16:00-де тағы бір отандасымыз Ғалия Тынбаева (52 кг) қола медаль үшін таласады. Ғалия ширек финалда Моңғолия дзюдошысына есе жібергенімен, жұбаныш белдсуінде Ахлия Муминовадан (Тәжікстан) айласын асырды.

Ал Ұлттық құрама спортшысы Ғұсман Қырғызбаев 1/8 айналымда Ливан палуанын жеңген. Алайда келесі кездесуде Тәжікстан спортшысының мықты екенін мойындады.