Алаш қайраткеріне құрмет

«Алаш» партиясы көшбасшысының сүйек күлі көмілген жер өткен ғасырдың 90-жылдарының басын­да «Ату тізімдері: Дон зираты. 1934-1940» кітабы жариялан­ғаннан кейін ғана белгілі болған еді. Соған сәйкес Ә.Бөкейханды 1937 жылғы 27 қыркүйекте нақақ өлтір­гені, онымен бірге «ату тізіміне» ілінгендердің ішінде мемлекет қайраткері Нығмет Нұр­мақов та болғаны анықталды. Ә.Бөкейхан 1989 жылы мамырда КСРО Жоғарғы сотының қаулы­сымен қылмыс құрамының болмауына байланысты ақталды.