Облыс әкімі Берік Әбдіғалиұлы аймақтағы 8 мектептің басшыларына жаңа автобус кілттерін салтанатты түрде табыс етті.
Жаңа автобустар Қаражал қаласының №1, №30 мектептеріне, Жаңаарқа ауданының №1 мектеп-лицейіне, Ұлытау ауданының №6, №1 тірек-мектептеріне, Сәтбаев қаласының Оқушылар сарайына, №3 «Білім-инновация» лицей-интернатына және Абай атындағы мамандандырылған мектеп-интернатына берілді.
«Біз өте қуаныштымыз. Келесі жылдың бюджетінен тағы да 10 автобус сатып алуға қаржы қарастырылып жатыр, – дейді облыстық білім басқармасының басшысы С.Төлекова.
Ал өздерінің төл мерекесінде облыс әкімінің қолынан су жаңа техника алған құтқарушылардың қуаныштарында шек жоқ.
Жаңадан алынған тоғыз техниканың ішінде өрт сөндіру автоцистернасы, 32 метр болатын 9 қабатты автосаты, авариялық-құтқару автомобилі, құтқару автокөлігі, жедел-жеңіл автокөліктері бар.
Ұлытау облысы Төтенше жағдайлар департаментінің бастығы Е.Байыров жаңа техникаларды қабылдап тұрып: «Құтқару қызметін осы заманғы техикалармен жабдықтаудың маңызы зор. Сондықтан да, жаңа техникалар біз үшін жұмысты жеңілдететін, бірақ жауапкершілікті арттыра түсетін маңызды сыйлық», деді.
Ұлытау облысы
