Фото: Turizm_zhane_sport_ministrligi
Туризм және спорт министрлігінің баспасөз қызметінен мәлім болғандай Қазақстан құрамасы пара дзюдодан жалпы командалық есеп межесінде екінші орында тұр.
Алтыннан алқа таққандар: Ерғали Шамей (J1 санаты) және Олжас Оразәліұлы (J2 санаты).
Күміс медаль иегері – Асылан Нұрдәулетов (J1 санаты).
Қола жүлделерді Динара Куджулова (J1 санаты), Бауыржан Арыстанбеков (J1 санаты) Даяна Федосова (J2 санаты) еншіледі.
«Біздің пара дзюдошылар бүгін керемет нәтиже көрсетті! Спортшыларды, жанкүйерлерді, жаттықтырушылар штабын осы жетістікпен құттықтаймын. Бүкіл еліміз дзюдошыларымызды мақтан тұтады», деді Туризм және спорт министрі Ермек Маржықпаев.
Айта кетсек, пара дзюдодан жарыстар 26 қазанға дейін жалғасады.
