Өнер • 01 Қараша, 2023

Бірінші жүлдені иеленді

100 рет
көрсетілді
1 мин
оқу үшін

Атыраулық суретші Назерке Ищанова Ис­панияда өткен ха­лық­аралық байқаудың бі­рінші жүлдесін ие­леніп, салтанатты мара­паттау рәсіміне ша­қырту алды.

Бірінші жүлдені иеленді

«Атырау-Ақпарат» ЖШС-да баспа дизайнері болып жұ­мыс істейтін Н.Ищанова түр­лі картинаны электронды қа­ламмен планшетке салады. Биылғы қыркүйекте Испанияда өткен суретшілердің «Усы Дали» байқауының «Digital Painting» аталымына өз туын­дысын жіберген. «Бұл бай­қауға жаһанның 60 елінен 150 суретші қатысты. Мен 26-35 жас аралығындағы үміт­­керлер тобына «Бәрі бір адам­ның бастамасынан басталады» атты суретімді жіберген едім. Қазан айының басында суреттің тексерілгені, байқауға қабылданғаны туралы хабар алдым. Ал кеше халықаралық байқау қорытындысы бо­йынша бірінші жүлдені иелен­генімді хабарлады», дейді су­ретші.

Халықаралық байқаудың салтанатты марапаттау іс-ша­расы Испанияның Косто-Брава курортты аймағында алдағы жылдың наурыз-сәуір айында өтеді. Атыраулық су­ретші атал­ған іс-шараға ша­қырту алды.

Қазір оның жеке қорында 50-ден аса тарихи картина бар. Тарихи шығармаларды оқығанды, ұлт зиялылары мен ба­тырларының, Алаш арыс­та­рының өмірін, еңбегін зерт­т­еген­ді ұнатады. Еске сала ке­телік, бұдан бұрын атыраулық дизайнер Лондонда халықаралық байқаудың бірінші жүлдесін иеленгенді.

Былтыр «Мұнар күн» картинасы Лондон қаласында өткен «Алтын таланттар уақыты» ха­лықаралық бай­қауы­ның бірін­ші жүлдесін ие­ленді. Бұл байқау 2007 жылдан бері тұрақты өтеді.