Қазіргі таңда аймақта 433 автогаз құю бекеті бар. Ақтау қаласында – 93, Жаңаөзен қаласында – 74, Мұнайлы ауданында – 113, Бейнеу ауданында – 30, Қарақия ауданында 27, Маңғыстау және Түпқараған аудандарында тиісінше – 52 және 44 бекет тіркелген.
Қыркүйек айында өңірде орташа тәуліктік газ тұтынудың көрсеткіші 607,479 тоннаны құрады. Нақты айтсақ, Ақтау қаласы – 195,615, Жаңаөзен – 156,682, Мұнайлы – 98,153, Маңғыстау – 48,759, Бейнеу – 46,175, Түпқараған – 35,803, Қарақия – 26,293 тонна газ тұтынған. Қазан айының соңғы күнінде аймақ бойынша қалған газ көлемі 2050,9 тоннаны құрады.
Жергілікті атқарушы орындар жанар-жағармай, сұйытылған газ бағасын қадағалауда ұстау үшін күн сайын мониторинг жүргізіп отырады. Қазіргі кезде жағдай тұрақты, газ құю бекеттерінде шектен шыққан көлік кезегі жоқ. Газ бағасы Маңғыстау облысында 54-59 теңге көлемінде сатылып жатыр.
