2022 жылдың қазанымен салыстырғанда биылғы қазанда орамжапырақ – 69,1, күріш – 40,3, жүзім – 46,7, апельсин – 28,1, сәбіз – 22,4, консервіленген сүт – 22, күнбағыс майы – 16,2, құмшекер 16 пайызға қымбаттаған. Қымбаттау жағынан медициналық өнімдер де қалыс қалмай тұр. Парацетамол бағасы – 70, ацетилсалицил қышқыл бағасы – 32,3, йод бағасы 21,5 пайызға өскен.
Экономиканың басқа секторларындағы өнім түрлері бойынша қымбаттау айқын аңғарылады. Атап айтқанда, олар – дизель отыны (+35,1%), сұйытылған газ (+12,8%), тас көмір (+12,6%).
«Қазанда тұтунышылық бағалардың айлық индексі 0,7 пайыз болды. Қыркүйекте ол 0,6 пайыз болған еді. Ақылы қызметтер мен азық-түліктік емес тауарлар бағасы 0,8, ал азық-түлік тауарлары 0,5 пайызға артты», делінген бюро мәліметінде.
