Алғашқы матчты жерлестеріміз Италияның «Иглз Оңтүстік Тироль» клубына қарсы өткізді. Бұл бәсеке 3:1 есебімен аяқталды. Одан кейін Мажарстанның «Будапешт Жегкоронг академиясымен» шеберлік байқасты. Ойынның басынан аяғына дейін шабуылдаған алматылықтар қарсыластар қақпасына жауапсыз бес шайба салды – 5:0. Бұл голдардың авторлары – Ольга Широкова (4-минут), Лорен Николсон (21-минут), Аида Олжабаева (22-минут), Мэрайя Хиндс (43-минут) және Лорен Николсон (58-минут).
Ал Құрлық кубогінің іріктеу сайысының соңғы кездесуінде Астананың «Номады» «Латвияның «Земгале» клубын 4:1 есебімен ұтты. Сөйтіп, Федор Полищуктің шәкірттері келесі жылдың 12-24 қаңтарында өтетін аталған жарыстың финалдық бөлігіне жолдама алды.
